Гуырдзыстоны фыццаг леди Тамар Багратиони АИШ-ы фыццаг леди Мелания Трампы хуындæй Вашингтонмæ ацыд. Уый фæдыл информаци фехъусын кодта президенты администрацийы пресс-службæ.

Сæ ныхасмæ гæсгæ, Тамар Багратиони хайад райсдзæн Мелания Трампы организгонд глобалон саммиты – «Иумæ хуыздæр фидæны тыххæй», кæцыйы нысан у сывæллæтты ахуырад, размæцыд æмæ æнæниздзинадæн æххуысгæнæг уæлæмхас технологитæй æдас æмæ инновацион спайда сифтонг кæнын.

Саммиты фæлгæтты, Мелания Трамп Урс Хæдзары тымбыл стъолы форматы президентты æмкъайты суазæг кæндзæн. Дискусситы нысан у нымæцон дуджы сывæллæтты хæрзиуæгæн фыццаг адæймæгты цардæмбæлтты æххуыс сбæрæг кæнын æмæ сæ иумæйаг хæстæ æруынаффæ кæнын.

Тымбыл стъолы фембæлды агъоммæ сырæздзæн кусæгон рабадт, кæцыйæн фысым уыдзæн АИШ-ы паддзахадон департамент. Кусæн рабадты уыдзæн дискусси, кæцыйы хайадисджытæ базондзысты практикон мадзæлттимæ æмæ инновацион фæрæзтимæ, кæцытæ баххуыс кæндзысты сывæллæттæн нымæцон дуджы сæ фадæттæй спайда кæнынæн æмæ зындзинæдтæ аиуварс кæнынæн.

Мадзæлттæ уагъд æрцæудзысты 24 æмæ 25 марты Глобалон саммиты фæлгæтты «Иумæ хуыздæр фидæны тыххæй», кæцы арæзт æрцыд Мелания Трампы инициативæйæ. Уым хайад райсдзысты Гуырдзыстоны фыццаг ледиимæ иумæ, ахуырады, зонады æмæ фæсивæды министры хæдивæг Баиа Квициани æмæ Гуырдзыстоны парламенты ахуырады, зонады æмæ фæсивæды хъуыддæгты фæдыл комитеты сæрдар Мариам Лашхи.