Мирза-Фатали Ахундовы номыл Азербайджаны культурæйы музеймæ бабæрæг кодта Азербайджаны республикæйы фыццаг леди Мехрибан Алиева. Уый тыххæй фехъусын кодта президенты администрацийы пресс-службæ.

Сæ ныхасмæ гæсгæ, Мехрибан Алиеваимæ иумæ уыдысты Гуырдзыстоны фыццаг леди Тамар Багратиони, Гуырдзыстоны культурæйы министр Тинатин Рухадзе, йæ хæдивæг Гиоргий Мирцхулава æмæ Мирза-Фатали Ахундовы азербайджайнаг культурæйы музейы директор Лейла Алиева.

Уазджыты базонгæ кодтой музейы историимæ. Уыдон ма базылдысты равдыстыты фæзуаты æмæ Ахундовы номыл культурон центры, цы ран уагъд цæуынц фембæлдтытæ, равдыстытæ æмæ алыгъуызон культурон мадзæлттæ.

Музей байгом 1982 азы стыр азербайджайнаг драматург, æхсæнадон архайæг æмæ фыссæг Мирза Ахундовы 170 азы юбилеймæ гæсгæ, цы бæстыхайы цард, уым. Мирза Ахундовы сфæлдыстад æнгом баст у Гуырдзыстонимæ, йæ музей та Гуырдзыстон æмæ Азербайджаны æхсæн культурон хид у.