Гуырдзыстонæй   Украинамæ  25 иуæг   бæрзонд  тынгады   генератортæ  арвыстой, кæцытæ  премьер-министр Ираклий Гъарибашвилийы   барамындæй,  Гуырдзыстоны  экономикæ æмæ æнæфæцудгæ  рæзынады  министрады системæмæ бацæуæг  «Гуырдзыстоны паддзахадон  электросистемæ»  балхæдта.  Уый фæдыл  информаци хъусын кæны  Гуырдзыстоны  экономикæйы  министрад.

Уагдоны информацийæ,   дзырдæуы 1,5 милуан  ларийы аргъы   кондадон нысаниуæгы  генераторы фæдыл, кæцыты фæрцы гæнæн ис  уæлвæтк режимы  кусой рынчындæттæ,  хæрæндон объекттæ æмæ  æндæр критикон нысаниуæгы  объекттæ.

Генераторты  сæргъæвыны  процессмæ цæст дарттой,   экономикæ æмæ æнæфæцудгæ рæзынады министры  хæдивæг  Ромео  Микаутадзе æмæ  Украинайы  минæварады  хъуыддæгты рæстæгмæ  æвджид лæг  Андрей Касьянов, кæцы Гуырдзыстоны  хицауадæн, сæрмагондæй   премьер-министрæн бузныг  дзуры  æххуысы тыххæй.

«Бузныг  алы  гуырдзиагæн  Украинайы тынг фидар æмæ  архайадон  фарсдарыны тыххæй мæ бæстæйæнæ æмæ мæ адæмæн  афтæ критикон периоды», –   банысан кодта Украинайы  минæварады хъуыддæгты рæстæгмæ æвджид лæг.

Йæхи æрдгæй  министры  хæдивæг  ныфс  разагъдта, цæмæй абон   æрвыст бæрзонд тынгады  генераторты парти Украинайы, цуъс  уæддæр  фæрогдæр кæндзæн украинаг адæмæн уæвæг проблемæтæ.