Горæтон тæрхондон блогер æмæ æфсæддон эксперт Уча Абашидзейы æмæ йæ цардæмбал Мариам Иашвилийы аххосджыныл банымадта сæ ныхмæ бавдыст аххосагæй.

Тæрхондоны æскъуыддзагмæ гæсгæ, Уча Абашидзейæн фондз азы ахæстоны фæбадын стæрхон кодтой, йæ цардæмбалæн та цыппар азы.

Тæрхондоны рабадт ацыд æхгæд дуæртты фæстæ.

Гуырдзыстоны мидхъуыддæгты министрад блогер Уча Абашидзейы 2024 азы 9 майы æрцахста. Мидхъуыддæгты министрад Уча Абашидзейы цардæмбал, Иашвили Мариам дæр æрцахста. Фæдагуырдмæ гæсгæ, Абашидзе Уча, йæ цардæмбалимæ иумæ, æндæр æмæ æндæр адæймæгты æхсæн интимон ахастытæ æвдисæг æрмæджытæ æнæзакононæй райсын æмæ æвæрын фæнд кодта; Фæдагуырдмæ гæсгæ, аххосджынтæ фатеры сусæгæй сæвæрдтой алыгъуызон видео æмæ аудио аппараттæ, кæцыты фæрцы æнæзакъонæй истой æмæ æвæрдтой алыгъуызон хицæн адæймæгты сæрмагонд царды сусæгдзинæдтæ.