ОSСЕ/ОDIHR -ы хыгъдлæвæрд æппынфæстаг сбæлвырд кодта, æвзæрстытæ ногæй кæй хъæуы ауадзын. Нæй иунæг компонент, цæмæй ацы æвзæрстытæ нымад æрцæуой легитимоныл, уый тыххæй дæр разы стæм Гуырдзыстоны президенты, Саломе Зурабишвилийы расидæнимæ – уый фæдыл «Иудзинад-националон змæлды» коалицийы лидертæй иу Гиоргий Вашадзе расидтис.

Вашадзейы ныхасмæ гæсгæ, æвзæрстыты датæ тагъд рæстæджы хъуамæ снысан уа.

«Мах цæттæ стæм иунæг легитимон уагдоны фæрцы æвзæрстыты бон æмæ конкретон уавæрты фæдыл бадзырдмæ баххæссæм. Протест, кæцы у æнæпрецедентон. Фæнды мæ бузныг зæгъын алы уыцы адæймагæн, кæцы хайад иста ацы протесты. Ноджы иу хатт банысан кæнын, цæмæй ОSСЕ/ОDIHR-ы хатдзæджы фæстæ дунеон æмæхсæнады дзуапп у уый, æмæ ацы æвзæрстытæ æхсæнадæмон масштабæй легитимоныл ничи нымайы, мах йеддæмæ. Уымæ гæсгæ, «Гуырдзиаг бæллицц» конституцион фæлгæттæй рахызт, уый у хæдхуыз хицауад æмæ цæмæй Гуырдзыстон конституцион фæлгæттæм æрыздæха, уый тыххæй æнæмæнгхъæугæ у æмæ æнæмæнгхъæугæ у ногæй æвзæрстытæ ауадзын. Афтæ дæр хъуамæ ссæрибар уой æппæт политикон ахæсттæ æмæ æрлæууын кæной æппæт уголовон хъуыддæгтæ, кæцытæ хæдхæссинаг режим бынтон æнæзакъонæй райдыдта патриотон адæмы ныхмæ. Мах, опозицион партитæ дарддæр кæнæм куыст кусæгон форматы. Мах цæттæ стæм иунæг фарсты фæдыл дискуссийы архайынмæ – кæд æмæ цавæр уавæрты хъуамæ уагъд æрцæуой ацы æвзæрстытæ. Мах æххæстæй разы стæм Зурабишвилийы позициимæ ацы фарстайы фæдыл. Фæстæмæ нымад райдыдта. Ацы фарстайы фæдыл, кæронбæттæн позицитæ хъуамæ арæзт æрцæуой ацы къуыри», -расидтис Гиоргий Вашадзе.

Гуырдзыстоны президент, Саломе Зурабишвили, 22-æм декабры Руставелийы проспектыл уагъд митингыл йæ раныхасы рæстæджы расидтис: «Уадз æмæ Иванишвили галуанмæ æрцæуæд æмæ æз цæттæ дæн æрбадын æмæ ахъуыды кæнон, куыд хъуамæ снысан кæной æвзæрстытæ. æвзæрстытыл хъуамæ бадзырд æрцæуа 29-æм бонмæ».