Тбилисы горæтон тæрхондоны диверсион хъуыдтагы фæдыл, парти «Стратегийы аразæгы» лидер Гиоргий Вашадзейы процесс цæуы.

Тæрхондоны ныхас цæуы Вашадзейы ныхмæ превенцион мадзалы снысан кæныны фæдыл.

Азымтæ сты диверси æмæ æххуыс æмæ æххуыс кæнын фæсарæйнаг бæстæйæн знаггадгæнæг архайдтытæн.

Прокуратурæ куры, цæмæй Гиорги Вашадзейæн лæвæрд æрцæуа 30 000 ларийы æфсон, куыд профилактикон мадзал. Прокуратурæ афтæдæр куры, цæмæй Вашадзейы паспорт æмæ ID-картæ байсой æмæ сæ фæдагурæн уагдонмæ раттой.

Тæрхонмæ цæуы Гиоргий Вашадзе йæхæдæг дæр. Вашадзейы ныхасмæ гæсгæ, хъуыдтагы йæ ныхмæ бæлвырдгæнæнтæ нæй. Гиоргий Вашадзе хъуыддаг политикон мотивацигонд хоны.

Зæрдыл уын æрлæууын кæндзыстæм, генералон прокуратурæ Михаил Саакашвили, Гиоргий Вашадзе, Ника Гварамиа, Ника Мелиа, Зураб Джапаридзе, Елене Хоштария, Мамука Хазарадзе æмæ Бадри Джапаридзейы ныхмæ уголовон хъуыддаг ноябры райдыдта. Гиоргий Вашадзейы ныхмæ фæдагуырд райдыдта диверсийы статьятæй (318 статьяйы фыццаг хай) æмæ фæсарæйнаг бæстæйæн знаггадгæнæг архайды æххуыс (319 статья).

Информацимæ гæсгæ, Гиоргий Вашадзейæн парламенты рæстæгмæ фæдæвзарæн комисы куырдиат нæ сæххæст кæныны тыххæй, авд мæйы ахст стæрхон кодтой. Вашадзе ахæстонæй 23-æм январы рацыд.