Парти «Стратеги Агъмашенебели»-йы лидер, Гиоргий Вашадзе ахæстонæй рацыд.

Гиоргий Вашадзе ахæстоны рацæуыны фæстæ журналисттæн куыд расидтис, афтæмæй тынг æнкъард æмæ оптимист у.

«Тынг æнкъард æмæ оптимистон дæн.Фæнды мæ Гуырдзыстонмæ æгасцуай зæгъын.Уырны мæ, цæмæй æнæмæнгæй фæуæлахиз уыдзыстæм, уымæн æмæ нæ фæнды рæстадон бæстæйы цæрын», -расидтис Гиоргий Вашадзе.

Парти «Стратеги Агъмашенебели»-йы лидер Гиоргий Вашадзейæн Тбилисы горæтон тæрхондон авд мæйы ахæстоны фæбадын стæрхон кодта, парламенты рæстæгмæ фæдагурæн къамисы æркуырд кæй нæ сæххæст кодта уый тыххæй. Уымæй уæлдай ма йын дыууæ азмæ йæ бынат бацахсын нæ уагътой.

Гиоргий Вашадзейы аххосджын кодтой уголовон кодексы 349-æм статьямæ гæсгæ, кæцы «Гуырдзыстоны парламенты рæстæгмæ фæдагурæн къамисы куырдиат нæ сæххæст кæныны тыххæй» ис фыст.

Тбилисы горæтон тæрхондон Вашадзейæн 23-æм апрелы 50 000 ларийы æфсон снысан кодта, куыд превентивон мадзал, фæдагуырдон къамисмæ кæй нæ бахауд, уый тыххæй, кæцыйы уый бафыста закъонæй снысангонд æмгъуыдмæ гæсгæ.

Уымæй уæлдай ма, прокуратурæ Гиоргий Вашадзейы, æндæр оппозицион лидертимæ иумæ, конституцион фæтк халыны æмæ диверсийы аххосджын кодта.