Гиорги Удзилаури, кæцыйы шпионажы аххосджын кæнынц, ахст у.

Йæ адвокат æрдомдта, цæмæй аххосджыны ссæрибар кæной æнæ развæлгъау ахстæй, фæлæ тæрхондон сæххæст кодта прокуроры курдиат. Тæрхон уагъд æрцыд æхгæд дуæртты фæстæ, уымæн æмæ хъуыддаджы æрмæг нымад у «сæйраг сусæгдзинадыл».

Прокурор Элизбар Гозалишвилийы расидæнмæ гæсгæ, Гуырдзыстоны паддзахадон æдасдзинады куысты контрразвæдсгарæн департамент бæстæйы мидæг шпионажы бæлвырдгæнæнтæ рабæрæг кодта.

«Ахст æрцыд Гуырдзыстоны æмбæстаг, кæцы Гуырдзыстоны интерестæн æмæ фæсарæйнаг развæдсгарæнты номæй архайгæйæ, æндæр æмæ æндæр типы информаци æмбырд кодта æмæ хæлиу кодта. Абоны тæрхоныл æркастысты развæлгъау ахсты фарстмæ, æмæ аххосджын æрцыд ахстмæ.

Фæсарæйнаг развæдсгарæн куысты номæй аххосджын æмбырд кодта æндæр æмæ æндæр информаци Гуырдзыстоны, се æхсæн барадхъахъхъæнæг органты куысты, бæстæйы политикон æмæ экономикон уавæры, афтæ дæр этникон къаддæрты фæдыл. Конкретондзинад, фæсарæйнаг бæстæйы ном æмæ бæлвырдгæнæнты тыххæй, фæдагуырд цæуы. Хъуыддаг шпионажмæ хауы, уымæ гæсгæ æфтауц информаци раргом кæнын зиан хæсдзæн куыд фæдагуырдæн, афтæ паддзахады интерестæн дæр.

Хъуыдтагы æрæмбырд кодтой бæлвырдгæнæнты æмбырдгонд, кæцытæ бæлвырд кæнынц ацы факт. Фæдагуырды лыстæгдзинæдтæ æмæ методтæ раргом кæнын зиан хæсдзæн фæдагуырды интерестæн. Бæлвырд кæнæм, цæмæй хъуыдтагы ис комкоммæ бæлвырдгæнæнтæ, кæцытæ бæлвырд кæнынц шпионажы факт. Фæдагуырд цасдæр рæстæг цыд. Фарстытæ, архайдта æви нæ иунæгæй, цавæр уыдысты йæ методтæ, нысантæ æмæ мотивтæ — уый ныр нæ бон нæу раргом кæнын, уымæн æмæ уый фæцудын кæндзæн фæдагуырд», — загъта прокурор.

Уæдмæ та Георгий Удзилаурийы адвокат Гуледани Бека расидтис, цæмæй хъуыдтагы бæлвырдгæнæнтæ нæй.

«Мах нæ сразы стæм хъæппæрисыл ахсты бардзырд раттыны тыххæй, уымæн æмæ нæ райсæм аххосæгтæ æмæ нымайæм, цæмæй хъуыддаджы нæй бæлвырдгæнæнтæ, цæмæй æвдисой шпионажы аххосаг. Уымæ гæсгæ, нæ позици уыд, цæмæй азымгонды ныууадзæм æнæ профилактикон мадзалæй, фæлæ тæрхондон уыимæ не сразы.

Азымгонд тæрхондонмæ нæ раныхас кодта; спайда кодта йæ барæй æнæдзургæйæ баззайынæн. Хъуыддаг нымад у «сæйраг сусæгдзинадыл» статьяйы конкретон характеры тыххæй. Хъуыддаджы æрмæг ахæм у, æмæ ахæм классификаци æмбæлы. Знон æз æркастæн æрмæгмæ азымджынтимæ — уыдон сты бирæнымæц томтæ.

Азымгонд нæ разы кæны аххосджынтимæ, уымæн æмæ хъуыддаджы Гуырдзыстоны интерестæн зианхæссæг информаци нæй, афтæ дæр дзы нæй æндæр бæстæты развæдсгарæн службæтимæ бастдзинæдтæ», — банысан кодта адвокат.

Зæрдыл уын æрлæууын кæндзыстæм, 5-æм майы Гуырдзыстоны Паддзахадон Æдасдзинады Куыст Гиорги Удзилаурийы æрцахсты фæдыл расидтис, фæсарæйнаг спецслужбæты кусджыты номæй информаци æмбырд кæныны æмæ ахæлиу кæныны аххосагæй.