Израил дыууæпаддзахадон æскъуыддзаг нæ бауадздзæн – уый фæдыл Израилы фæсарæн хъуыддæгты министр Гидеон Саар расидтис.

Израилы фæсарæн хъуыддæгты министр æрсидт бæстæтæм, кæцыты фæнды Палестинæйы паддзахад саразын, цæмæй «йæхи территорийыл саразой».

«Израилы зæрдæйы Палестинæйы паддзахад уыдаит æцæг æскъуыддзаг уыдонæн, кæцытæ нæ скуынæг кæнынмæ хъавынц. Мах уый нæ бауадздзыстæм. Кæд стыр бæстæтæ, куыд Франц æмæ Канадæ, фæнды сæхи территорийыл Палестинæйы паддзахад саразын, уæд уый сæ бон у, уый тыххæй сын ис бирæ бынат, фæлæ ам Израилы, уый нæ сырæздзæн», — загъта Саар.

Уæ информацийæн, Палестинæйы паддзахад ныртæккæ нымад у ИНО-йы 150 уæнг бæстæйы, се æхсæн Евроцæдисы уæнг Испани æмæ Ирланди.

Францы президент Эммануэль Макрон расидтис, цæмæй ацы фæззæджы фæнд кæны Палестинæйы паддзахад банымайын. Канадæ дæр фехъусын кодта ахæм фæнд. Стыр Британийы премьер-министр дæр нæ аиуварс кодта ахæм къахдзæф саразын.