Имереты губернаторы фыццаг хæдивæг Мамука Химшиашвили, Хъарагаулийы мэр, Къоба Лурсманашвили æмæ бынæттон хицауады æндæр минæвæрттæ Харагаулийы Гхверки æмæ Хемагалийы хъæутæм цæуынц, цыран зæххы зæйтæ фæкарздæр сты. Уый фæдыл Имереты паддзахадон губернаторы аппарат парахат кодта информаци.

Сæ ныхасмæ гæсгæ, губернаторы фыццаг хæдивæг æмæ мэр базонгæ сты бынатыл уæвæг уавæримæ æмæ бынæттон цæрджыты царды уавæримæ.

“Геологты къорд кусы зæххы зæйты процесстæ деталонæй сахуыр кæныныл. Специалисттæ бæрæг кæнынц зæйты аххосæгтæ, уый фæстæ арæзт æрцæудзæн гæнæн рискъты прогноз.

Знон изæр цæрджыты æдасдзинадæн зæххы змæлды тæссаг уавæры бын чи уыд, уыцы æмбæстæгты æдас бынæттæм эвакуаци кодтой. Хъарагаулийы мэрия уæвæг уавæрмæ хъус дардзæн æмæ геологты официалон хатдзæг æмæ рекомендацитæм гæсгæ алы æнæмæнгхъæугæ мадзæлттæ сæххæст кæндзæн. Бынæттон хицауад сиды цæрджытæм, цæмæй æххæст кæной профилон службæты амынддзинæдтæ. Æрзæткъахæнты процессты размæцыд нысаниуæгджын зиан расайдта цæрæн хæдзæрттæн, афтæ дæр фæндаджы хицæн хæйттæн æмæ хъæууон хæдзарадон быдыртæн», -ис фыст информацийы.