Гуырдзыстоны æмбырдгонд футзалæй Европæйы чемпионаты дыккаг матч Хорватийы ныхмæ ацæудзæн. Фембæлд абон Тбилисы рæстæгæй 16:00 сахатыл райдайдзæн, комкоммæ æвдыст та Фыццаг Къанал сæххæст кæндзæн.

Фыццаг туры Гуырдзыстон 0:4 хыгъдæй фæхæрд фысым Латвийæн, Хорватийы командæ та Францимæ 2:2 хыгъдæй фæхæрд ис. Уый фæстиуæгæн дыууæ командæйы дæр тынг хъæуы уæлахиз.

«Разæй ис дыууæ нысаниуæгджын  хъазт, фæлæ ныртæккæ хъуыды кæнæм æрмæст Хорватимæ фембæлдыл.Бирæ бакуыстам æмæ анализ сарæзтам нæ ныхмæлæууæджы хъомыс æмæ лæмæгъ æууæлтæ. Хорвати бæрзонд æмвæзады командæ у. Мæнмæ гæсгæ, махæн уыдзæн æнтыстдзинады шанс, кæд æмæ нæ хъазт ахъазæм» – райхъусын кодта Гуырдзыстоны иугонд командæйы тренер Автандил Асатиан фембæлды размæ.

Гуырдзыстоны иугонд командæйы хъазæг Гиорги Гавтадзе дæр фидæн матчы фæдыл коментар сарæзта.

“Мах æнæмæнг хъæуы рамбулын Хорватийы ныхмæ. Ныхмæлæууæг у тынг тыхджын æмæ нæ разы лæууы вазыгджын хъазт. Алы хъазæг дæр хъуамæ ратта йæ хуыздæр – тох кæнæм æмæ æнæмæнгæй фæуæлахиз уыдзыстæм”, – расидтис  футзалы командæйы разамонджытæй иу.