Фракци «Элк» акциты организаторы Никол Пашиняны Сомихыстоны премьер-министртæм кандидатæй официалонæй раразмæ кодта.
«Фракци ахицæн кодта, премьер-министртæм раразмæ кæна Никол Пашиняны» дзырдæуы «Элкы» публикацигонд фидиуæны.
Ереваны центры Республикæйы фæзыл уагъд цæуы акций. Митингы хайадисджытæм цъус фæстæдæр дзырдæй æрсидтис Никол Пашинян.
Сомихыстоны раздæры премьер-министр Серж Саргсян йæ куыстæй йæхи цалдæр боныразмæ систа. Йæ хæстæ æххæст кæны Карэен Карапетян. Абон ахæлиу ис информаци, Карапетяны куыстуæгъды фæдыл дæр, фæлæ фæнысангонд хъусинаджы нырмæ официалонæй ничи сбæлвырд кодта.
Никол Пашинян æмгъуыдагъоммæ парламентон æвзæрстытæ снысан кæнын куры. Бæрæг куыд у афтæмæй, оппозиционер кандидат, Никол Пашиняны, премьер-министрæй свзарынæн, иууыл цъус 53 депутаты хъæлæс бахъæудзæн. Пашиняны фарсхæцджытæ хъусын кæнынц, ома сæм ныридæгæн ис 40 депутаты ныфс.
