«Фокс Ньюсы» развæлгъау бæрæггæнæнтæм гæсгæ, Дональд Трамп АИШ-ы 47-æм президент ссис.

Медийы прогнозмæ гæсгæ, Дональд Трампæн ис 277 æвзарæнон коллегийы хъæлæс, демократон партийы кандидат, ныры вице-президент Камала Харрисæн та – 226.

Информацийæн, Америкæйы Иугонд Штатты президентон æвзæрстытæ цæуынц. Æвзæрстыты кæрæдзиимæ фембæлдзысты раздæры президент Дональд Трамп Республикон партийæ æмæ вице-президент Камала Харрис Демокративон партийæ. Президентон æвзæрстыты хъæлæс кæныны бар ис 150 милуан америкæйагæй фылдæрæн. 5-æм ноябры онг, æвзæрстыты бонмæ, равзæрстой 80 милуан æвзарæджы онг.

Æвзарæн коллеги ахсы ахсджиаг бынат АИШ-ы æвзарæн системæйы, цыран алы штаты минæварад дæр аразгæ у цæрæг адæмы нымæцæй. Æдæппæтæй æвзарæнон коллегийы ис 538 делегаты, цæмæй æвзæрстыты фæуæлахиз уа, уый тыххæй президентмæ кандидат хъуамæ райса 270 хъæлæсы.