Евроджастимæ æмæ Германийы æмбæлгæ уагдæттимæ æмгуыстады фæстиуæгæн, прокуратурæ  а.х. колцентрты тыххæй  фыдгæнæгон  къорды организацигæнджыты ныхмæ барадон сурын  райдыдта. Уый фæдыл  Гуырдзыстоны прокуратурæйы  уагъд брифингыл райхъусын кодтой.

«Уагъд  фæдагуырдæй  фæбæрæг ис, цæмæй  организацигонд  къорды уæнгтæ  Гуырдзыстоны  бындурæвæрд   амалиуæгадты базæйыл  сарызтой  а.х. кол-центр.  Кол-центры кусджытæ,  развæлгъау  бакуыст планмæ æмбæлгæйæ,  адзырдтой иу Германийы Федерацион Республикæйы  æмбæстæгтæм,  сæхи сын зонгæ кодтой  мæнг нæмттæй, сæ компанийы  бынаты фæдыл сын дæттой  мæнг информаци æмæ сын æнхъарыдысты  аргъджын гæххæттыты,  акциты,  базарадон активты, валютæты  æмæ криптовалютæты  электронон  базарады хайад райсын фыдгæнæгон къорды арызт  электронон платформæты фæрцы.

Оператортæ  фæлхасгæнджыты уырнын кодтой, цæмæй  сæ æххуысæй  æргъты рæзт-фæкъаддæрыл  электоронон базарады  цауы,   сæ бон бауыдзæн  солидон  æфтиагы райсын. Реалонæй,  зианбавзарджыты  электронон базарадæн рауæлдайгонд  æхца фæлывдмидзинадæй давдтой.

Æнæзакъононæй  райсгæ суммæтæн закъонон хуыз раттынæн,  фыдгæнæг къорды контролы бын уæвæг   банкъон  хыгъдыл  бирæхаттон   фиктивон  транзакциты фæстиуæгæн, суммæ æрвыст цыдис экономикон  зилдумæ æндæр æмæ æндæр, сæнымæцы  æнæзмæлгæ мулк балхæды нысанæн.

Фæнысангонд  схемæйæ организацигонд къорд сыххæст кодта  фæлывдмигæнгæйæ  райсгæ  дæсгай  милуан  ларийы бæрц æнæзакъонон  æфтиагы  легализаци», – райхъусын кодтой прокуратурæйы.