Евроцæдис АИШ-æн 25% дзуаппон тариф фидар кæны, кæцы 22 миллиард евройы аргъ продукцийыл аххæсдзæн æмæ йæ тыхы бацæудзæн 15-æм апрелы.

Цалдæр къуырийы дæргъы консультациты фæстæ, уæнг бæстæтæ, Еврокамис æмæ индустритæ бадзырдмæ баххæсыдысты. Продуктты номхыгъдмæ хауынц алюминий æмæ æфсæйнаг, тамако, миндаль, апельсины дон, сойæ, мæргъты дзидза æмæ яхтæтæ. Фæлæ Франц æмæ Ирландийы домæнты фæстæ америкаг бурбон номхыгъдмæ нал бахауд.

Тариф 25% Евроцæдисы æрдыгæй дзуаппон мадзæлтты фыццаг къахдзæф у æмæ арæзт æрцыд Урс Хæдзары администрацийы æрдыгæй мартъийы 26 миллиард евройы аргъ алюминий æмæ æфсæйнагæн æвæрд тарифты дзуаппæн.

Алюминий æмæ æфсæйнагæй дарддæр ма, Дональд Трамп Евроцæдисæй æрбаласгæ автомобилтæн 25% тариф снысан кодта æмæ æппæт æндæр продукттæн та 20% тариф.

Афтæ дæр Еврокамис дзуаппон тарифты дыккаг этапыл кусы, кæцыйы детæлттæ фидæн къуыри уыдзæн фехъусынгонд.