Дунейон  Банкъ   Гуырдзыстонæн  80 милуаны бæрц  АИШ доллары   финансон æххуысы  пакет рауæлдай кодта, цæмæй йæ къух ацараза хицауадæн æнæнизхъахъхъæд æмæ   социалон   сферæйы  «Ковид-19»-æй  расайгæ  фæстиуджытæ  фæрогдæр кæныны æмæ  сыл æхъугæйæ  реагир кæнынæн, –  информацийы  хъусын кæны  Дунейон Банкъ.

Афтæма  сæ  хъусинагæй, фæнысангонд  финансдзинад у Дунейон Банкъы  «Ковид-19»-ы  цырд  реагир кæныны пакеты хай (FTCF). Информацимæ гæсгæйæ,  Дунейон Банкъ,  афтæдæр æмкуыст кæны Азийы   Инфраструктурæйы инвестицион Банкъимæ æмфинансдзинады  бадзырдæй  уæлæмхасæй  100 милуан  АИШ доллары æрбаласынæн.

«Проектæн йæ нысан у   уыцы   мадзæлттæ сфинанс кæнын, кæцытæ къухаразæг сты  «Ковид-19»-ы  пандемийæ  расайгæ  æртъхъирæны  превенцийæн,  сæ рабæрæг кæнын æмæ  сыл раегир кæнын,  афтæдæр, сегасдæр мæгуыр  социалон цъар æнæаргъæвгæйæ  социалон æххуысæй  сифтонг кæнын.Æнхъæлмæ кæсинаг  у, цæмæй  проект   пайдаджын уыдзæн   цæрджыты   уæрæх  спектрæн, сæрмагондæй та   фæрынчынуæвæг цæрджыты æмæ  рискъы  къорды  уæвæг   уыцы  хайæн,  цахæм дæр сты   ацæргæтæ, хроникон  низтæй рынчын  уæнгтæ,  уæлвæтк уавæрты  кусджытæ æмæ   медицинон персонал. Æнæнизхъахъхъæды  æрдгæй,  «Ковид-19»-ыл реагир кæныны   сæрмагонд  мадзæлттæ  æххæссынц  фæрынчыны  цаутæ рабæрæг  кæнын æмæ сæ  сбæлвырд кæнынмæ,  тестæй  басгæрсты  фæфылдæрмæ, афтæ куыд цаутæ  контрол кæнынæн   æнæнизхъахъъæды  системæ  фæтынгдæр кæнын», –  банысан кодтой  Дунейон Банкъы.

Афтæма сæ   хъусинагæй,    проект  бæрæг   финансон æххуыс  бадавдзæн  мæгуыр æмæ  æдых  мидфæллойгæнджытæн,  нысанон  социалон  æххуысы  программæйы   ауæрæхы фæрцы  æмæ рæстæгмæ  æхцай  трансфертæ  сифтонг кæныны фæрцы  уыцы  уæнгты,  кæцытæ   пандемийы  тыххæй   сæ  куыст бынатæй  фæцух сты.

«Цырд æххуысы механизмы  фæрцы мах йæ къух аразæм адæймæгты  фервæзын кæнын  æмæ   ацы  вазыгджын афон пандемийы  æндæвдады бын  уæвæг  уæнгтæн  цæрынæн  хъæугæ фæрæзтæ  бахъахъхъæнын. Гуырдзыстонæн, COVID-19-ыл реагир  кæнынæн мадзæлттæн, Дунейон Банкъы финансдзинады пакет, нæ аргълæвæрдæй  200 милуан  АИШ доллары  бæрц  уыдзæн,  кæцымæ  ма  бамхас уыдзæн  300 милуан АИШ доллары  финансдзинад дæр,   кæцыйы  рауæлдай  кæнын, пълангонд уыд 2020-2021 азты  бæстæйы рæзынадæн хъæугæ  ахæм ахсджиаг проектты  сæххæстæн, цахæм дæр сты цифрон  бастдзинад æмæ  инфраструктурæ», – банысан  кодта Дунейон Банкъы   регионон  директор Хуссар Кавказы  Себастьян Моллинеус.