Евроцæдисы  структурæйы  сæйраг постытæм  æххæст гендерон баланс  æрфидар ис – уый  фæдыл  Дональд Тускъ  райхъусын кодта.

Европаг Советы   президент куыд банысан кодта афтæмæй,  бæрзонддæр постытытæм дыууæ  нæлгоймагы æмæ  дыууæ сыогоймагы  бавдыстой,  цæмæй  дæр тынг райгонд у.

Афтæдæр йæ  æмбарынгæнæнмæ гæсгæ,  фондз азы  размæ  ацы  уынаффæйы  райсынæн   æртæ мæйы  бахъуыд  æмæ  йеуæддæр, иуæй-иу лидер  фæстиуджыты ныхмæ уыдис,  ныр та  уынаффæ  æрмæст æртæ бонмæ, уæлдай дæр æмхъæлæсонæй   райстой.

Дональд Тускъы  фидиуæнæй,  уыдон Еврокамисы президенты   постмæ   немыцаг политикъы, Урсула  Вн дер Лейены   кандидатурæ  бавдыстой, ныр та  европпарламент хъуамæ   рахæсса уынаффæ.  Европаг Советы  президенты  æмбарынгæнæнмæ  гæсгæйæ,   кæд немыцаг    политикъы  фæнысангонд  постмæ  фæстагмæ  сывзардзысты, Еврокамисы президенты  посты, историйы  фыццаг хатт бацахсдзæн  сылгоймаг.

Дональд Тускъы  фидиуæнæй,   Евроцæдисы   советы   къухдариуæггæнæджы  постмæ, бельгиаг  политикъы, Шарль Мишелы  фæлтæрддзинад   идеалон уыдзæн  уæнг паддзахадты  æхсæн  консессусмæ æрцæуыны  æмæ  иудзинадæн тохы.

Цыдæриддæр та  фæсарæн хъуыддæгты ææ   æдасдзинады  политикъæйы   сферæйы  бæрзонддæр  минæвары  постмæ  бавдыст  кандидатмæ  æххæссы,  Дональд Тускъ  баынсан кодта, цæмæй  Джозеф  Борели  Евроцæдисы интересты  æмæ хæзнаты  æппæт дунейы   йæ  фæлтæрддзинадæй  рацæугæйæ   сеппæтæй  хуыздæр бахъахъхъæндзæн.

Дональд Тускъы ныхæстæм  гæсгæ, европæйы  Централон банкъы  къуыхдариуæггæнæджы  постмæ  бавдыст Кристин Лагард у  æхсæнадæмон æмвæзажыл  фæлтæрд æмæ ацы постмæ у иедалон кандидат.