Европарламенты  политикон къордты лидертæ сидынц Евроцæдисы советмæ – Сидæм паддзахадты  æмæ  хицауадты  сæргълæуджытæм, цæмæй  рахæссæд уынаффæ Украинайы, Молдовæ æмæ Гуырдзыстоны куырдиæттыл
Европарламенты политикон къордты лидертæ сидынц Евроцæдисы советмæ – Сидæм паддзахадты æмæ хицауадты сæргълæуджытæм, цæмæй рахæссæд уынаффæ Украинайы, Молдовæ æмæ Гуырдзыстоны куырдиæттыл

Европарламенты  политикон къордты  лидертæ  Евроцæдисы  советы уæнгтæм  иумæйаг  куырдиатæй  раздæхтысты.

Фидиуæны  куыд  дзырдæуы  афтæмæй,    политикон   къордты лидертæ  сидынц   паддзахадты  æмæ  хицауадты  сæргълæуджытæм, кæцытæ  23-24 июны   æрымбырд уыдзысты,   рахæссой  уынаффæ  Украинайы, Молдовæйы  Республикæ æмæ Гуырдзыстоны   куырдиатыл,  Евроцæдисы  уæнгсуæвыны фæдыл.

«Мах, европарламенты  политикон къордты  лидертæ,  курæг стæм  паддзахадты  æмæ  хицауадты  сæргълæуджытæй, кæцытæ  23-24 июны   æрымбырд уыдзысты, рахæссой  уынаффæ  Украинайы, Молдовæйы  Республикæ æмæ Гуырдзыстоны   куырдиатыл,  Евроцæдисы  уæнгсуæвыны фæдыл. Евроцæдис  хъуамæ равдисæт æндиуддзинад, хъæддыхдзинад æмæ   дардыл хъуыдыкæнынхъомад  абоны   контексты, нæ  европаг сыхагы Украинайы  ныхмæ  æбуалгъ  агрессвон хæсты  æмæ фæфыддæргонд   æхсæнадæмон  ситуацийы  уавæрты.  Евроцæдис  хъуамæ уа  æууæнкаг партнер  æмæ нæфæсайгæ   геополитикон  актор, кæцы  хъахъхъæны йæ  принциптæ æмæ  аргъдзинæдтæ,  солидарондзинад æвдисгæйæ  уыдонмæ чидæриддæр  разы  у  ацы  идеалтимæ.

Украинайы  æмбæстæгты  фæнды  цæрын   сæрибар, демократон  æмæ  дидинæфтыд  бæстæйы, кæцы у  Европаг бинонты   аккаг  æмæ   иузæрдыг уæнг. Нымадмæ исæм,  цæмæй  ацы  тырнынадтимæ разы  у  Гуырдзыстоны æмæ  Молдовæйы адæм  æмæ Ныгуылæн Балканты  бæстæтæ, кæцыты  æнхъæлцытæ ма хъуамæ  фæмæнг  уа. Ратсдæр уый тыххæй,   нæ  хъæддых  сидт сымахмæ у,  ома    раттут  Евроцæдисы  кандидаты статус  Украинайæн æмæ   Молдовæйы Республикæйæн  Евроцæдисы  фæдыл   бадзырды  49-æм   статимæ гæсгæйæ, куыд   сгуыхтдзинадыл бындурæвæрд процессы   райдайæн  æмæ бакусыт Гуырдзыстонæн дæр уыцы  статус  раттыныл, гуырдзиаг адæмы  легитимон   тырнынад сыххæст кæнынæн.  Иурæстæгонæй уын бакой  кæндзыстæм, цæмæй ныгуылæн Балкантæм  гæсгæ  Евроцæдисы  дæргъвæтин  хæсист  йæ тыхы  ис», –  дзырдæуы  фидиуæны.

Ныууадз комментари