АИШ-ы президент Дональд Трамп загъта, зæгъгæ, Украинæмæ æрвитдзæн уæлдæфон хъахъхъæнынады ракетæтæ «Патриот», зæгъгæ, уыдон сты æнæмæнгхъæуæг Украинæйы бахъахъхъæнынæн, уымæн æмæ Уæрæсейы президент Владимир Путин «хорз дзуры, фæлæ боны кæрон алкæй дæр бомбæтæй æппары».

«Мах сын æрвитдзыстæм «Патриоттæ», кæцытæ сæ тынг хъæуынц, уымæн æмæ Путин бирæ адæмы дисы бафтыдта. Хорз дзуры, стæй изæры алкæй дæр бомбæтæй æппары. Фæлæ ам ис чысыл проблемæ – уый мæ зæрдæмæ нæ цæуы. Мах сын æрвитдзыстæм алыхуызон тынг вазыгджын æфсæддон техникæ, æмæ нын уый тыххæй бафиддзысты 100%», — загъта Трамп.

Трамп нæ банысан кодта, цас ракетæ «Патриот» арвитдзæн Украинæмæ, фæлæ загъта, цæмæй АИШ-æн сæ хæрдзтæ Евроцæдис бафиддзæн.