АИШ-ы президент Дональд Трамп тас кæны, цæмæй Евроцæдисæй карз нозты импортыл 200% тарифтæ æрæвæрдзæн, кæд æмæ Евроцæдис вискийы 50% тариф нæ аиуварс кæндзæн. Уый фæдыл Трамп йæ социалон хызагы ныффыста.

«Европæйы Цæдис, дунейы иууыл знаггадгæнæгдæр æмæ æнæфсармдæр хъалонты æмæ тарифты органтæй иу, арæзт æрмæстдæр АИШ-ы эксплуатацийы нысанæн, ныртæккæ æрæвæрдта æвирхъау 50% тариф вискийыл». Кæд æмæ ацы тариф æвæстиатæй нæ ист æрцæудзæн, уæд АИШ тагъд рæстæджы сæвæрдзæн 200% тариф алы хуызы сæн, шампанскæ æмæ алкоголон продукттæн, кæцытæ æрбаласдзысты Францæй æмæ Евроцæдисы æндæр бæстæтæй. «Уый уыдзæн тынг хорз АИШ-ы сæн æмæ шампанскæйы бизнесæн», – ныффыста Трамп.

Раздæр Евроцæдис расидтис, цæмæй фидæн мæйæ райдайгæйæ план кæны 26 миллиард евройы аргъ америкаг продукцийыл дзуаппон тарифтæ æрæвæрын. Уыимæ иумæ, Евроцæдис расидтис, цæмæй цæттæ у АИШ-ы администрациимæ бакусын, цæмæй бадзырдты фæрцы æскъуыддзаг ссара. Уæлдæр ранымад мадзæлттæ гæнæн ис æмæ ист æрцæуой цыфæнды рæстæджы дæр, ахæм уынаффæ куы рахæссой, уæд.