Америкæйы  ИУгонд  Штатты   президент Дональд Трампы дзырдæй,   АИШ-æ астæуккаг æмæ  цыбыр   дæрццæгыл  архайæг   ракетæты   ликвидацийы   фæдыл бадзырдæй   рацæудзæн.  Ацы  фидиуæны  АИШ-ы  президент  Невадайы  уагъд   æвзæрстыты агъоммæ   фембæлдыл сарызта.  Афтæдæр йæ ныхæстæм гæсгæ,   Уæрæсе ацы  бадзырд, нырид рагæй  фæстæмæ   нал æххæст кæны.

«Мах тыхыбын бауыдзыстæм ахæм хæцæнгарз аразын» – райхъусын кодта трамп.

ХЪаддуг æххæссы, 1987 азы  АИШ-ы æмæ  Советон Цæдисы  æхсæн къухбафыст  бадзырдмæ,  кæцымæ гæсгæ  дæо   фæрстæ  500-5500  км-ы онг  дистанцийылархайæг   атомон   ракетæты   ликвидацийыл æрныхас кодтой.

Бадзырды   къух рафыстой Рональд Рейган æмæ Михаил Горбачев. Ацы  бадзырды бындурыл  2700-йæ  фылдæр ракетæ   сæнæзианхъом кодтой.

Fox News-имæ  интервьюйы   Трамп куыд   æмбарын кæны  афтæмæй,   Уæрæсе  астæуккаг  æмæ  цыбыр  дæрццæгыл  архайæг   ракетæты  ликвидацийы фæдыл бадзырды  нал æххæст кодта нырма ноджы  Барак Обамайы президентæй  уæвыны  рæстæгæй.

Æхсæнадæмон медиа  хъусын кодта  цæмæй  Трампы  админстраци атомон ракетæты  ликвидацийы   фæдыл  бадзырды   ныууадзын хъавыд.

Иуæй-иу рауагъдады  хъусинагæй,   ацы  инициативæйы   фарсхæцæг   АИШ-ы  президенты уынаффæгæнæг  у  Джон Болтон,  кæцы  бадзырдæй  рацæуыны  фæдыл  МÆскуымæ визиты  рæстæджы райхъусын кæндзæн.

ДжонБолтон  Уæрæсемæ  визит план кæны  22-24  октябры.  Уый фæстæ  та  Фæуазæг уыдзæн Азербайджан, Гуырдзыстон æмæ Сомихыстонмæ.