Михеил Мæсхийы номыл стадионы «Динамо Арена»-йы бæсты, Гуырдзыстоны æмбырдгонд Чехийæн Нациты Лигæйы суазæг кæндзæн. Уый фæдыл «Динамо Арена»-йы администраци расидæн сарæзта.
«Гуырдзыстоны футболон федерацимæ «Динамо Аренайы» администраци дыууæ фыстæджы арвыста, фыццаг уыд нæ цæттæдзинады фæдыл, цæмæй стадион ногæй йæ бон суазæг кæна иугонд командæйы. Дыккаджы та æрцыд бæлвырдгæнæн – «Динамо Арена»-йы фæстаг æдасдзинады сертификат фыццаг къæпхæны 6-æм, 7-æм æмæ 8-æм сектортæ кæй нæ аххæссыд, уый тыххæй мах альтернативæйæ бавдыстам Футболы Федерацийæн, цæмæй аивадуарзæгтæ æрмæстдæр дыккаг къæпхæны, кæцыйы ис 41 000 кæсæджы онг.
Уæ зæрдыл уын æрлæууын кæндзыстæм, «Динамо Арена»-йы фæстаг генералон реставраци сарæзтой 2015 азы æмæ йæ финансгонд æрцыд паддзахадон бюджетæй. Реставрацийы фæлгæтты æппæт уæвæг проблемæтæ æххæстæй аиуварс æрцыдысты, æмæ нæ бон у бæлвырдæй зæгъын, стадионы стабилондзинад уæдæй фæстæмæ кæй нæ фæивта. Уый бæлвырд кæнынц æппæт экспертон докладтæ, кæцытæ 2015 азæй фæстæмæ арæзт æрцыдысты» – уый фæдыл фыст ис «Динамо Арена»-йы администрацийы фидиуæны.
Уый фæдыл Гуырдызстоны Фыццаг Къаналæн футболы федерацийы генералон нымæрдар Давит Муджир комментари сарæзта.
«Хицæуттæ дзуапп дæттынц, цæмæй стадион ахæм уавæры уа, цæмæй ахæм рангы фембæлд ауадзынæн æппæт трибунæтæй спайда кæнæм. Физикон æгъдауæй нæ хъæуы фыццаг къæпхæн, цыран хъуамæ æвæрд æрцæуой адæмы, УЕФА-йы бæрнон кусджытæ æмæ ныхмæлæууæг командæйы минæвæрттæ – афтæ дæр æппæт уыцы адæймæгтæ, кæцытæ дзуапп дæттынц хъазты организациæн.
Иннæ фембæлд октябры Албаниимæ плангонд у æмæ локаци та у «Мæсхи Михаил». Проблемæ рæстæгыл аскъуыддзаг куы æрцæуа æмæ нын “Динамо”-йы администраци сбæлвырд кæна, стадионæй æххæстæй пайдагæнæн кæй уыдзæн, уæд цæттæ стæм албайнаг фарсимæ стадионы раивыныл сразы уæвынмæ æмæ йæ “Михейл Мæсхи”-йæ “Динамо”-мæ ахæссынмæ Арена», – фехъусын кодта Давит Муджир 1-аг каналæн.