CNN -ы развæлгъау бæрæггæнæнтæм гæсгæ, АИШ-ы президентон бынатмæ республикаг кандидат Дональд Трамп дыууæ свинг штаты фæуæлахиз ис, æртæ штаты та раззагдæр у. Медийы информацийæ, Трамп Цæгат Каролинайы æмæ Гуырдзыстоны уæлахиздзау у. Пенсильванийы, цыран хъæлæсты 93% банымадтой, Дональд Трампæн ис 51,1%, Харрисæн та – 47,8%.

Ныртæккæйы информацимæ гæсгæ, Мичиганы хъæлæсты 61% банымадтой, Трампæн 52%, Харрисæн та 46%. Висконсины тыххæй та, хъæлæсты 86% нымад æрцыдысты. Трампæн ис 51,2%, Харрисæн – 47,2%.

«Сиенены» информацийæ, Трампæн ныр æвзарæнон коллегийы ис 246 хъæлæс, Харрисæн та 187 хъæлæс ис.

Фæуæлахиз уæвынæн хъæуы 270 хъæлæсы. Цæмæй уыцы нымæц хъæлæстæ æрæмбырд кæна, уый тыххæй Трамп хъуамæ рамбула 2 3 æнæфæцудгæ штатæй, кæцыты ныртæккæ разамынд дæтты.

Информацийæн, Æвзарæн Коллеги ахсы ахсджиаг бынат АИШ-ы æвзарæн системæйы, кæцыйы алы штаты минæварад аразгæ у цæрæг адæмы нымæцæй. Æдæппæтæй æвзарæнон коллегийы ис 538 делегаты, цæмæй æвзæрстыты фæуæлахиз уа, уый тыххæй президентмæ кандидат хъуамæ райса 270 хъæлæсы.