Цалдæр сахаты фæстæ Германийы канцлеры равзарыны фæдыл хъæлæсæппæрсты дыккаг тур сырæздзæн.

Чырыстон Демократон Цæдисы уæнг Энс Спан закъондæттджытæм сиды бæрндзинад равдисой æмæ коалицийы кандидатæн йæ фарсыл хæцой.

Германийы канцлеры кандидат Фридрих Мерц Бундестагы хъæлæсæппæрсты фыццаг туры хъæлæсты хъæугæ нымæц сифтонг кæнын нæ бахъом ис.

Германийы закъонмæ гæсгæ, канцлермæ кандидат хъуамæ райса Бундестагы уæнгты абсолютон фылдæры хай, ома, уæнгты æрдæг æмæ иу уæлæмхасæн хъæлæс, цæмæй æвзæрст æрцæуа. Уый иуæй-иу хатт хонынц «Канцлеры фылдæры хай». Фыццаг туры кандидат абсолютон фылдæры хай куы нæ райса, уæд уагъд цæуы дыккаг тур. Уый фæстæ Бундестагæн ис 14 боны, цæмæй равзара æндæр кандидаты канцлерæн.

Кæд æмæ хъæлæсæппæрсты дыккаг тур фæстиуæг нæ ратдзæн, уæд æвзарæнон процесс бацæуы æртыккаг фазæмæ, кæцы æвæстиатæй ног æвзæрстытæ ауадзынмæ хауы. Фылдæр хъæлæстæ чи райса, уый æвзæрст æрцæудзæн канцлерæй.

Закъонмæ гæсгæ, канцлерæй æвзæрст адæймаг абсолютон фылдæры хай куы рамбула, ома Бундестагы уæнгты фылдæры хайы хъæлæстæ, уæд федералон президент хъуамæ снысан кæна канцлеры æвзæрстытæй авд боны æмгъуыдмæ. Кæд æмæ канцлерæй æвзæрст адæймаг райса æрмæстдæр æмхуызон фылдæр хай, ома фылдæр хъæлæстæ, уæд федералон президент хъуамæ снысан кæна канцлеры авд боны æмгъуыдмæ, кæнæ та скуынæг кæна Бундестаг.