Бизнесмен Леван Джангвеладзейы лæгмарды аххосджынгонд Удзилаури Гелайы тæрхонгæнæг цæрæнбонтæм ахæстоны фæбадыны тæрхон рахаста.

Тæрхонгæнæг Гелашвили Гиорги хъуыдтагы фæдыл æскъуыддзаг райста. Тæрхонгæнæг фæдагуырды æппæт бæлвырдгæнæнтæм æркаст æмæ Удзилаурийы Леван Джангвеладзейы бардзырдон æмæ æххуырст лæгмарды аххосджыныл банымадта.

Азымгæнæг, прокурор Леван Вепхвадзе, цæрæнбонтæм ахæстоны фæбадын æркуырдта. Удзилаури Гела, кæцы лæгмардыл басаст, æрфидар кодта, цæмæй фыдракæнд бардзырд нæ уыд.

Информацимæ гæсгæ, бизнесмен Леван Джангвеладзе 2025-æм азы 14-æм марты, Тбилисы, Илья Чъавчъавадзейы проспектыл амардтой. Прокуратурæйы информацимæ гæсгæ, Удзилаури, бирæ адæм кæм ис, ахæм ран, Леван Джангвеладзейы æмæ йæ шофыр Гия Чадунелийы æхсæнгарзæй цалдæр хатт фехста. Бирæнымæц цæфты фæстиуæгæн, Джангвеладзе бынатыл фæмард, Чадунелийы та æхсты цæфтæй рынчындонмæ аластой.