Азийы  Рæзынады  банк (ADB)  абон сбæлвырд кодта 70  милуан АИШ доллары бæрц   кредит, Гуырдзыстонæн баххуыс  уыдзæн, бæстæйы  æнтыстждын кусæг тыхы æмæ  экономикæйы  конкурентхъомад райрæзын кæнынæн,   хæрзгъæд  профессион ахуыр æмæ бацæттæгæнæн  къурсытæ  рæувадатдзинад фæхуыздæрæн.

ADB-ы  централон æмæ ныгуылæн Азийы  социалон  секторы   хайады  диретор  Рие Хираока куыд райхъусын кодта  уымæ  гæсгæ,  ахуырад æмæ фæлтæрдты тынгад  21-æм æнусы  сегасдæр æнтыстджын экономикæйы  бындур у.

«Программæ къух араздзæн  фæлтæрдтæ тынгадæн  æмæ  фæхуыздæр кæндзæн  къурсфæудгондтæн кусæнуаттæ  ссарыны фадæттæ  Гуырдзыстоны,  райрæзын кæндзæн  бæрзондмыздджын  куыст ссарыны æмæ  æфтиæгты  фæфылдæр кæныны шанстæ.  Афтæма  иттæг нысаниуæгджын  сты  фæлмæн  фæлтæрдтæ, сæ нымæцы, коммуникаци, проблемæты алыг æмæ  къордон  куыст»,- загъта Рие Хираока.

Азийы  рæзынады банкы  информацийæ, 2018 азы  Гуырдзыстоны  хицауад  райста   ног  закъон  бæстæйы профессион ахуыры  æмæ  бацæттæйы рапарахат кæнынæн, фæлæ  ацы æрдæмадæн хъæуы  политикæйы æиæ  институцион фæлгæттæ дарддæр  стынг кæнын  æмæ  йæ  гъæд фæхуыздæр кæнын, уымæн æмæ нырыккон уавæрæй  рахатинаг у  æнæмбæлондзинад куыстбазарыл  уæвæг домæнты æмæ  системæ  цы  къадртæ  цæттæ кæны,  уыдон  æхсæн.

Афтæма сæ  хъусинагæй, «Ковид-19»-æй равзæргæ  æгуыстдзинады  рæзт рагхыгъдгæнгæйæ,  проект арызт у  уыцы фадгуытæ  стынг кæнынæн, кæцытæ  пандемийæн  бафæразыны хъуыддаджы  сæрмагондæй нысаниуæгджын сты  кæнæ та экономикон  стынг кæныны процессы хайбавæрд скæндзысты, цахæмдæр сты  информацион æмæ коммуникацион технологитæ æмæ  медицинон æмæ фармацевтон  кондад.  Уый сфинанс кæндзæн  электронон ахуыр райдаын  æмæ  бацæттæ кæндзæн  сегасдæр  фылдæр  зианбавзарæг къабæзты кусджыты, цæмæй  сын ног фæлтæрдтæ райсын æмæ уыцы  сферæты  куыст ссарыны баххуыс уа,   кæцыты дæр æркуырд у  бæрзонд.

Проект афтæдæр  сфинанс кæндзæн   фæлтæрдтæ  тынггæнæн  дыууæ инновацион   хаб  саразын Кутаис æмæ  Телавы  уæвæг   профессион  ахуыргæнæндæтты.  Уым бæрзонд   гъæды  бацæттæ-ногæй бацæттæ  цæудзæн  экономикæйы  авд приоритетон  къабазы: электронон инженерий, информацион æмæ коммуникацион  технологитæ, медицинон æмæ фармацевтон  кондад, мода æмæ  дизайн, доны инженери, мебелы  кондад  æмæ хъæддæсныйон  куыст æмæ  лæггад (фысымдзинад æмæ туризм).

ADB-ы  нысанæн æвæрынц,  къухацаразын Азийы æмæ  Сабыр Океаны  регионы æнтыстджын, бирæфарсон, æнæцудгæ рæзынадæн.  Иурæстæгонæй, уый  дарддæр  кæндзæн   кусын  регионы  фырмæгуырдзинад бындзарæй къахынæн.  1966 азы бындурæвæрд   организаци  иу кæны 68 бæстæ, сæ нымæцы  49  стыр Азийы  регионæй.