Авиакатастрофæйы фæдыл, Азербайджан Чечняйы æрдыгæй ницы хуызон æххуыс райсынмæ хъавы – уый фæдыл Азербайджаны президенты администрацийы фехъусын кодтой.

Амæй размæ Цæцæны хицауад фехъусын кодта, Рамзан Кадыровы хæслæвæрдмæ гæсгæ цæттæ кæй сты финансон æмæ æндæр æххуыс бакæнын, Бакуйæ Грознамæ цы хæдтæхæг атахт, уый фæстиуæгæн чи фæмард æмæ цæфтæ чи баййæфта, уыдоны æппæт бинонтæн дæр.

Азербайджаны медийæн Азербайджаны президенты администраци куыд расидтис, афтæмæй бæстæйæн æххуыс нæ хъæуы æмæ нæ райсдзæн.

«Азербайджаны æххуыс нæ хъæуы. Нæдæр паддзахад, нæдæр æмбæстæгтæ ахæм æххуыс нæ райсдзысты. Мах кæнæм æмæ дарддæр кæндзыстæм хъæугæ æххуыс нæ æмбæстæгтæн. «Азербайджан домы факты банымад, хатыр ракурын æмæ æмбæлон компенсаци бафидын», -расидтис Азербайджаны президенты администрацийы минæвар.

Хæдтæхæджы сау къуту ныридæгæн ссардæуыд æмæ процедурæтæ цæуынц, цæмæй анализ æрцæуа æхсæнадæмон авиацион конвенцитæм гæсгæ. Ныртæккæ цæуы бæрæггæнæн бæрæггæнæн фыдбылызы аххосæгтæм гæсгæ. Азербайджайнаг медийы информацийæ, кæронбæттæн хатдзæгтæ алы æнæмæнг иртасæн æмæ бæрæггæнæнты анализ куы фæуыдзæн уый фæстæ сырæздзæн.