Мах ныхмæ лæууæм æнæвизæйон змæлды фæурæдæн, фæлæ хъуамæ сæвæрæм индивидуалон бæрндзинад уыцы адæймæгтыл, кæцыты аххосджын кæнынц бæстæйы уæззау уавæрмæ æркæныны тыххæй – уый фæдыл парти «Гахариа Гуырдзыстоны тыххæй» уæнг Анна Бучукури расидтис.
Бучукури куыд банысан кодта, афтæмæй персоналон санкцитæ систы бæстæйы арæзт кризисæй рацæуыны фæлмæндæр варианттæй иу.
Куыддæр санкцитыл ныхас кæнын райдыдтам, афтæ алы хатт дæр уыдыстæм къæрцхъус, уымæн æмæ алкæмæн дæр санкцитæ æвæрын гæнæн ис æмæ æвзæрырдæм фæзына. Хъыгагæн, æвзæрстытæй йæхицæн æмæ бæстæйæн кризисы фæрогдæр кæныны фадатæй спайда кæныны бæсты, Иванишвили тыхмидзинадмæ, æнæзакъонон ахстытæм, ныхмæлæуджытæм бабырстмæ, се æхсæн медийы минæвæртты цæгъдынмæ æрæвнæлдта æмæ бынтондæр ахызт конституцион фæлгæттæй. Хъыгагæн, ацы кризис фæрогдæр кæныны бæсты фæкарздæр. Абон персоналон санкцитæ систы ацы кризисæй рацæуыны фæлмæндæр варианттæй иу. Категорионæй лæууæм æнæвизæйон змæлды фæурæды ныхмæ, уымæн æмæ уый бандавдзæн Гуырдзыстоны цыфæнды æмбæстагыл, кæцы нæу бæрнон кризисы саразынæн. Уый бæсты хъуамæ дзуапп дæттой конкретон адæймæгтæ, индивидуалон, хисæрмагонд хæстæ хъуамæ æвæрд æрцæуой, бæстæ уæззау уавæрмæ кæй æркæнынц, уыдоны аххосджын кæй кæнынц, уыдоныл. «Уымæ гæсгæ, ацы персоналон санкцитæ æнæмæнгæй æрцæудзысты æвæрд раджы уа æви фæстæдæр», — загъта Бучукури.