АИШ-ы  президент Дональд Трамп  Цæгат Кореяимæ цæугæ  бадзырдтæй   райгонд у.

«Цæгат Корея  9 мæйы  дæргъы  ракета  нал фехста.  Афтæдæр  нал  ауагъдта  атомон тестытæ.   Япони  райы,  æппæт Азий цин кæны.  Фæлæ   мæнг ног  хабæрттæ  ( кæд фæндыдæр анонимон ратæдзæныл æнцойæ)  афтæ æмæ фæ  фæрсгæ   дæр нæ бакæнынц  афтæ зæгъынц  цыма тынг мæсты дæн,   уымæн  цæмæй  куыд æмбæлы  афтæ тагъд нæ  цæуы хъуыддаг зæгъгæ.  Уый мæнг у. Æз  райгонд дæн» –  фыссы Дональд Трамп  Twitter-ы.

АИШ-Цæгат Кореяйы  æхсæн бадзырдтæ,  Дональд Трамп æмæ  Ким Чен Ыны   саммиты фæстæ  активонæй  цæуынц,   лидертæ  Кореяйы  æрдæгсакъадахы атомон  хотыхтæй  сæвдæлон кæныныл  куы баныхас кодтой   уæдææй  фæстæмæ.