АИШ-ы бындурæвæрд «ФАРА» хæдбар æнæхицауадон организациты æмæ сæрибар медийы архайды ныхмæ нæ лæууы, Иванишвилийы æнæлегитимон хицауады та фæнды æмбæстагон секторы ныхмæ райсгæ Уæрæсейы закъоны ногæй æрæмбырд кæнын, – уый фæдыл ис фыст æнæхицауадон организацитæ æмæ медийы организациты парахатгонд иумæйаг фидиуæны.

“Иванишвилийы æнæлегитимон парламенты алы акт, кæцы арæн кæны адæмы сæрибардзинад, у антигуырдзиаг æмæ æнæконституцион. Æнæххæстгæнæн уæрæсейаг закъоны фæкарздæр кæнын, цæмæй æмбæстæгты тæрсын кæной уголовон фæдагуырдæй, уый дæр у антигуырдзиаг æмæ æнæконституцион”.

Мах ныридæгæн 2023 азы хъусын кодтам, цæмæй Уæрæсейы закъоны райсты фæстæ, уый периодикон æгъдауæй фæкарздæр уыдзæн, æндавдзæн æппæт æмбæстæгтыл, æмæ нысаниуæгджынæй арæн кæндзæн сæ бартæ – растдæр афтæ, куыд æрцыд Уæрæсейы æмæ æндæр авторитарон режимты. Ацы законы инициаци æмæ райст нысан кодта бæстæйы æттаг политикæйы ивд æмæ Гуырдзыстоны конституцийыл гадзрахатдзинад, кæцыйы Иванишвилийы премьер-министр 2024 азы 28 ноябры фидиуæны сбæлвырд кодта. Иванишвилийы хицауад хъусын кæны, цæмæй АИШ-ы 1938-æм азы райсгæ «Фара»-йы закъоны комкоммæ тæлмац райдайдзæн.

АИШ-ы бындурæвæрд «ФАРА» хæдбар æнæхицауадон организациты æмæ сæрибар медийы архайды ныхмæ нæ лæууы, Иванишвилийы æнæлегитимон хицауады та фæнды æмбæстагон секторы ныхмæ райсгæ Уæрæсейы закъоны ногæй æрæмбырд кæнын. Иванишвилийы режим архайы сæрибардзинады цыфæнды равдыст бауромыныл. Политикон ахстыты, рейдты æмæ 50 адæймагæй фылдæры репресситы фæстæ сæ фæнды тыхмийы амæттæгтæ сывæллæтты æмæ сылгоймæгты æнæхъахъхъæдæй ныууадзын, ахуыргæндтæн, фæсивæдæн æмæ социалон æгъдауæй æнæхъахъхъæд бинонтæн финанскæнынад ахицæн кæнын, æмæ регионты, кусæг адæмы, лигъдæтты æмæ сæ бартыл тохгæнæг адæмы хъæлæстæ æрсабыр кæнын. Ныр æртыккаг аз Гуырдзыстоны æмбæстагон æхсæнад Иванишвилийæн ирдæй дзуры, цæмæй нæ фæнд кæнæм Уæрæсейы закъонтæм гæсгæ цæрын æмæ кусын. Уæрæсейаг барад, цыфæнды формæйы дæр, никуы уыдзæн Гуырдзыстоны æвзæрст. Уымæ гæсгæ, къухфыстгæнæг гуырдзиаг хæдбар æнæхицауадон æмæ медиа организацитæ баззайынц æнувыдæй Гуырдзыстоны конституцийыл æмæ нæхи миссийыл – гуырдзиаг адæмæн лæггад кæнын» -ис фыст фидиуæны, кæцыйыл сæ къухтæ æрфыстой 100-йæ фылдæр организаци, се æхсæн: Адæймаджы бартæ æмæ социалон рæстдзинады центр; Адæймаджы барты центр; Альтернативæ Джорджиа; Ассоциаци «Социалон зонтыкк»; Ассоциаци «Сылгоймæгтæ регионты райрæзты тыххæй»; Информацион агентад «Экспрессньюс»; «Батумелеби»; Уæгъдибар журналистты хæдзар; Тбилисы Адæймаджы барты хæдзар  (Human Rights House Tbilisi); Медийы рæзты фонд; Публикæ; «Transparency International Georgia»; Сапари; Гуырдзыстоны æрыгон юристты ассоциаци; Гуырдзыстоны демокративон размæцыды цæдис; CENN; Демократон хъæппæрис; Документалон кинойы ассоциаци æмæ æндæртæ.