Аргълæвæрды æмæ фæлварæнты националон центры информацийæ, иугонд националон æмæ иумæйаг магистратурæйы фæлварæнты абитуриенттæн æмæ магистратурæмæ кандидаттæн регистрацион фиддон бафидыны æмгъуыд 6-æм майы, 18:00 сахатыл фæуд кæны.

Фæлварæнты националон центры куыд банысан кодтой, афтæмæй абитуриенттæн æнæмæнгхъæуæг у уыцы æмгъуыдмæ бафидын хъæугæ предметтæн фиддонтæ (æппынкъаддæр иу предмет), магистратурæйы кандидаттæн та регистрацийы фиддон.

«Æмгъуыд сæххæст кæнын у æнæмæнгхъæугæ уæлæмхасæн, цæмæй кандидаттæн сæ бон уа регистрацийы процесс ахицæн кæнын æмæ фæлварæнты хайад райсын.Регистрацийы процесс цæуы 6-æм апрелæй æмæ фæстагмæ фæуыдзæн 11-æм майы, 18:00 сахатыл.

Бæлвырдгонд æмгъуыдмæ кандидаттæн ис фадат сæ регистраци баххæст кæнын, сæ равзæрстытæ сбæлвырд кæнын, уыцы нымæцы фæлварæны горæт æмæ ахуырадон программæтæ равзарын кæнæ аивын. Аргълæвæрды æмæ фæлварæнты националон центр абитуриенттæм сиды, цæмæй процесс фæстаг бонмæ ма ахæццæ кæной æмæ регистраци рæстæгыл сыххæст кæной. Снысангонд æмгъуыдты фæуды фæстæ куырдиæттæ ист нал цæудзæн» – ис фыст аргълæвæрды æмæ фæлварæнты националон центры фидиуæны.