42 бæстæйæ, сæ нымæцы Гуырдзыстон, сидынц  Уæрæсемæ,  ракæнæт йæ æфсад  Запорожьейы атомон электростанцæйæ. Æмбæлгæ  сидт Венæйы æхсæнадæмон  организациты Евроцæдисы делегацийы веб-фарсыл уыд публикацигонд.

Фидиуæны дзырдæуы, цæмæй  Уæрæсейы  æфсады  атомон  станцæйыл уæвын  тæссаг у  атомон  æдасдзинады  принциптæн.  Фидиуæныл  Евроцæдис  алы уæнг бæстæтæй уæлдай ма къух бафыстой АИШ, Стыр Британи, Норвеги, турк, Молдовæ æмæ Гуырдзыстон.

Къухбафыссæг  бæстæтæ ноджы иу  хатт банысан  кодтой, цæмæй  Уæрæсейы  агресси  Украинайы  ныхмæ  у æхсæнадæмон барады æмæ ИНО-ы хартийы   гуырымыхъхъ  саст.

«Уырыссаг æфсæдды æмæ  гарзджын тыхты  æрлæууын кæнын  электростанцæйы  территорийыл  у  нæрайсгæ æмæ  тæссаг  æдасдзинады   принципты æмæ рискытæ превенцийы игнор, кæцытæн цыт кæныны фæдыл хæсист  атомон энергийы æхсæнадæмон  агентады  алы  уæнг бæстæ  райста  йæхимæ», –   дзырдæуы  фидиуæны.

Фидиуæны банысангонд у, цæмæй  Уæрæсе балæбурдта   Украинамæ  æмæ атомон станцæйыл  уырыссаг  æфсæддæтты  уæвын   атомон  инцидентты  тас   рæзын кæны.

Уыдон ма афтæдæр фауынц  Уæрæсейы  архæйдтытæ,  дезинформацийæ сраст кæной  сæрмагонд  æнæзаконон архæйдтытæ  Украинайы.