30  апрелы Гуырдзыстоны  æфсæддон кусджытæ   проефессион бон – Гуырдзыстоны хъахъхъæнынады   тыхты  бон бæрæгбон кæнынц.  Гуырдзиаг æфсады 32 юбилей  Вазианы, 4-æм  фистæгонд  бригадæйы   банысан кодтой, кæцы  маршимæ иумæ  Гуырдзыстоны   паддзахадон тырысайы æмæ  хъахъхъæнынады  тыхты   тырыса æрбахæссынимæ  байгомис.

Официалон  мадзал æфсæддон  оркестр  паддзахадон гимнæй райдыдта, кæцыйы рæстæджы  сармадзантæй  бæрæгбонон  æмæхсты гуыпп  айхъуыст.

Мадзæлтты официалон  хайы  кæрон  Вазианы  4-æм  бригадæйы Гуырдзыстоны хъахъхъæнынады  тыхты   арсеналы уæвæг   гуырдзиаг   æмæ фæсарæйнаг    хæцæнгарзы æмæ   техникæйы   равдыст   ацыд.  Фæзыл равдыст уыд   гуырдзиаг   компани «дельтайы»   уагъд  æндæр æмæ æндæр   калибры  минææхсджытæ  æмæ  снайперон   топптæ, гранатææхсджытæ,  æфсæддæтты æндæр æмæ æндæр   моделы  ифтонггæрзтæ æмæ  хæцæн хæдтулгæтæ «Дидгори Меоамари»,  мадицинон-эвакуацион  згъæрхæдтулгæ  «Медевак»  æмæ интегриргонд хызæгты  хæдтулгæ.

Фæсарæйнаг уагъд   техникæйы æмæ  хæстæрмæгы  æхсæн  та, уазджытæн   бавдыст уыд   артиллерион   æвæрдтæ,  нæмыгзгъалджытæ,  фæсарæйнаг  «атласы» типы зенитон-ракетон  системæ,  бырсæг   хæрдмæтæхджытæ «MI-24» «UH -1», америкаг танкъыныхмæ системæтæ  «Джавелин», хамер,  «мак-милан»,  автомат М4  æмæ  оптикон мигæнæнтæ.  Уазджытæн инженерон æмæ  химикон    техникæйы  æмæ  ифтонггæрзтæ  феныны фадат дæр уыд.

Абоны мадзалыл  уыдысты   Гуырдзыстоны президент, премьер-министр, Тбилисы мэр, парламенты сæрдар æмæ  хицауады  æндæр уæнгтæ.