Гуырдзыстоны номæй ацы азы Евроуынынады 22 аздзыд Мариам Шенгелия ралæудзæн.

18 гуырдзиаг нывгæнæг расидтысты сæ фæндон конкурсы хайад райсын æмæ бавдыстой сæ куыст. Фыццаг Къаналмæ зарджытæ æрвыстой 20-æй фылдæр фæсарæйнаг композитор дæр. Æхсæнадон Уацхæссæг равзæрста гуырдзиаг мотивтæй æмæ националон элементтæй æххæстгонд проект, кæцы æхсæнадæмон конкурсы раст æвдисы нæ бæстæйы культурон идентондзинад.

Мариам Шенгелиа Фыццаг Къаналы дыууæ проекты хайадисæг у – «Гуырдзиаг стъалы» æмæ «Хъæлæс». Зарæггæнæг Евроуынынады 2020 азы Гуырдзыстоны минæвар Торнике Хъипианийы бэк-вокалист уыд. Ерыстæ урæд æрцыдысты Covid-ы пандемийы тыххæй.

Зарæг Сæрибардзинад ныффыста Кети Габисиани, йæ ныхæстæ та сты Бука Картозиайы фыст. Клипы режиссер уыд Каха Бухрашвили, костюмы дизайн сарæзта Надареишвили Иза, клипы арт-директор та Попиашвили Шако æмæ Цъулаиа Нино. Афтæ дæр видеойы хайад истой зарæг æмæ кафты паддзахадон ансамбль «Эрисиони» æмæ Гия Канчелийы Тбилисы фæсивæдон оркестры кафджытæ.

Евроуынынад 2025 Швейцарийы, Базелы 13, 15 æмæ 17 майы сырæздзæн. Гуырдзыстоны минæвар Мариам Шенгелия 15-æм майы Европæйы раз дыккаг æрдæгфиналы ерыс кæндзæн. Традицимæ гæсгæ, ерыстæ фыццаг къаналы комкоммæ трансляци уыдзæн.