Gürcüstanın Avroviziya 2024-də təmsilçisi Nutsa Buzaladze mayın 9-da Avroviziyanın ikinci yarımfinalında 11 nömrə altında çıxış edəcək.

Firefighter – bu, Gürcüstanın 2024-cü il üçün müsabiqə mahnısının adıdır, Darko Dimitrov və Ada Satka Nutsa üçün xüsusi olaraq yazıblar.

Gürcüstanla birlikdə Avstriya, Malta, İsveçrə, Yunanıstan, Çexiya, Albaniya, Danimarka, Ermənistan, İsrail, Estoniya, Niderland, Norveç, Latviya, San Marino və Belçika ikinci yarımfinalda çıxış edəcək.

Birinci yarımfinal şousuna gəlincə, burada Ukrayna, Kipr, Polşa, Serbiya, Litva, Xorvatiya, İrlandiya, Sloveniya, İslandiya, Finlandiya, Portuqaliya, Lüksemburq, Avstraliya, Azərbaycan və Moldova çıxış edəcək.

Hər yarımfinaldan yalnız 10-10 ölkə finala yüksəlir.
Birinci yarımfinalda Almaniya, İsveç və Böyük Britaniya, ikinci yarımfinalda isə Fransa, İtaliya və İspaniya təmsilçiləri çıxış edəcəklər.
Xatırladaq ki, Avroviziya Mahnı Müsabiqəsi mayın 7, 9 və 11-də İsveçin Malmö şəhərində, “Malmö Arena”da keçiriləcək.