İsrail ordusu Qəzza sektoruna hava zərbələri nəticəsində "İslami Cihad"ın əməliyyatlar komandirinin öldürüldüyünü təsdiqləyib

21:53, 12.05.2023

İsrail ordusu Qəzza sektoruna hava zərbələri nəticəsində “İslami Cihad”ın əməliyyatlar komandirinin öldürüldüyünü təsdiqləyib.

İsrail ordusundan verilən açıqlamada, İsrailə qarşı əməliyyatlara cavabdeh olan “İslami Cihad”ın lideri Yad əl-Həsanın Qəzza şəhərində gizləndiyi mənzilinə hava hücumu nəticəsində öldüyü bildirilir.

“O, qrupun İsrailə raket hücumları ilə bağlı qəbul etdiyi bütün qərarlarda iştirak edib” – İsrailin Müdafiə Qüvvələri açıqlayıb.

İsrail ordusunun bəyanatına görə, İsrail Qəzza sektorunda “İslami Cihad”ın daha iki komanda mərkəzinə hava zərbələri endirib.

Müəllif - Sevinj Mustafaeva

Dünya