ABŞ dövlət katibi Entoni Blinken bildirib ki, Vaşinqton İsraili Qəzzada xeyriyyə təşkilatının 7 işçisinin ölümünə səbəb olan hava hücumu ilə bağlı istintaq başlatmağa çağırır.

“Biz bu konkret hadisə ilə bağlı İsrail hökuməti ilə birbaşa danışdıq. Biz onları dəqiq nə baş verdiyini öyrənmək üçün sürətli, hərtərəfli və qərəzsiz istintaq aparmağa çağırdıq” – Blinken Parisdə keçirilən mətbuat konfransında jurnalistlərə açıqlayıb.

ABŞ dövlət katibi bildirib ki, Vaşinqton israilliləri “günahsız mülki insanları istər fələstinli uşaq, istərsə də yardım işçisi olsun, qorumaq üçün daha çox iş görməyə” əmin edib.

“Dünyanın Mərkəzi Mətbəxi” xeyriyyə təşkilatının 7 əməkdaşı İsrailin Qəzzada həyata keçirdiyi hücumun qurbanına çevrilib.