Ağ Ev Rusiya və Bəşər Əsədin qüvvələrini Dəməşq yaxınlığında, şərqi Ğutaya hücumların dayandırılmasına çağırır. Bu barədə Ağ Ev tərəfindən yayılan bəyanatda deyilir.

“BMT-nin Təhlükəsizlik Şurası tərəfindən qətnamənin qəbul edilməsinin dəfələrlə uzadılması, Rusiya qətnamə şərtlərinin inkarına və günahsız dinc sakinlərin, əks terror əməliyyatı səbəbiylə qətlinə başladı”, – Ağ Evin bəyanatında deyilir.

Donald Trampın administrasiyası şərqi Ğutada durumu 2016-cı ildə Hələbin bombalanması ilə müqayisə etdi.

Vaşinqtonun göstəricilərinə görə, fevralın 24-28 fevral dövründə Xmeymim avia bazasından, qərbi Ğutanın bombalanması üçün rus təyyarələri hər gün təxminən 20 uçuş həyata keçirirdi.

Üsyançılar tərəfindən nəzarət olunan qərbi Ğutanı 2013-cü ildən Suriya Hökumət Qüvvələri mühasirəyə alıbdır. Fevralın 18-dən qərbi Ğutaya intensiv avia zərbələr endirildi. BMT-nin göstəricilərinə görə, həmin dövrdə təxminən 600 nəfər həlak oldu və 2000-dən artıq xəsarət aldı.

Fevralın 24-də BMT-nin Təhlükəsizlik Şurası Suriyada 30 gün ərzində atəşin dayandırılması rejiminin bəyan edilməsi haqqında qətnamə qəbul etdi.