Կան սպասումներ, որ ես, հավանաբար, կձերբակալվեմ, – այս մասին հայտարարել է «Դաշինք հանուն Փոփոխությունների» առաջնորդ Զուրաբ Ջափարիձեն։

«Ես նախապես հայտարարել եմ, որ չեմ պատրաստվում ենթարկվել այս ռեժիմի կողմից պարտադրված որևէ հիմար հայտարարության։ Ես որևէ ցանկություն չունեմ մասնակցելու այս դիմակահանդեսին։

Իմ փաստաբանը մի քանի անգամ խնդրել է Թեա Ծուլուկիանիին գալ այստեղ՝ բացատրելու, թե ինչ է ուզում, թե ինչու է ինձ կանչում դիմակահանդեսին մասնակցելու։ Մեզ ամեն անգամ մերժում էին, մենք մի քանի անգամ բողոքարկել ենք սա», – ասել է Ջափարիձեն։

Ապրիլի 16-ին Զուրաբ Ջափարիձեին որպես խափանման միջոց սահմանվել է 20,000 լարի գրավ՝ ժամանակավոր քննչական հանձնաժողովին չներկայանալու համար։ Ջափարիձեի գրավի վճարման ժամկետը լրացել է մայիսի 18-ին։