Իսլամական հեղափոխության պահապանների կորպուսի գեներալ. Ցանկացած երկիր կամ ուժ, որը կօգնի ԱՄՆ-ին Իրանի վրա հնարավոր նոր հարձակման ժամանակ, կդառնա Իսլամական Հանրապետության օրինական թիրախը
Ցանկացած երկիր կամ ուժ, որը կօգնի ԱՄՆ-ին Իրանի վրա հնարավոր նոր հարձակում իրականացնել, կդառնա Իսլամական Հանրապետության օրինական թիրախը, ասել է Իսլամական հեղափոխության պահապանների կորպուսի ավիատիեզերական ուժերի հրամանատարի ավագ խորհրդական, բրիգադի գեներալ Ալի Բալալին։
Իրանի բարձրաստիճան զինվորականի խոսքով՝ Իրանի պաշտպանական կարողությունները չեն կարող ազդվել արտաքին գործոններից, քանի որ նրա զենքը մշակվում և արտադրվում է երկրի ներսում։
Ալի Բալալիի խոսքով՝ Իրանի հրթիռային բազաները բավարար հեռահարություն ունեն Իսրայելում և ԱՄՆ ռազմական բազաներում գտնվող թիրախներին հարվածելու համար։
Նա նաև նշել է, որ Պարսից ծոցի հրթիռը ստեղծվել է հենց ամերիկյան ավիակիրները տարածաշրջանից դուրս մղելու համար։
Գեներալ Բալալիի խոսքով՝ Իրանի կողմից իրականացված պատասխան հարվածների ժամանակ իրանական հրթիռները հարվածել են Սիոնիստական ռեժիմի Վեյցմանի ինստիտուտին, ինչպես նաև Նեգևին և Դիմոնային։ Ինչպես բացատրել է Բալալը, Ֆաթթահ-2 հրթիռն ունի մանևրելու ունակություն, ինչը անհնար է դարձնում թշնամու ՀՕՊ համակարգերի կողմից այն որսալը։
Ինչպես նշել է Իսլամական հեղափոխության պահապանների կորպուսի (ԻՀՊԿ) ավիատիեզերական ուժերի խորհրդականը, Իրանի պատասխանը ցանկացած հնարավոր կրկնվող ագրեսիային աշխարհագրորեն սահմանափակված չի լինի։ Նա ասել է, որ հաշվի առնելով երկրի զենքի գործողության շառավիղը, տարածաշրջանում ոչ մի տեղ անվտանգ չի լինի ամերիկյան ուժերի համար։