Զբոսաշրջության ոլորտին բացատրել ենք այն տրամաբանությունը, որով ընդունվում են բիզնեսի սահմանափակումների մասին որոշումները,- այս մասին զբոսաշրջության ոլորտի ներկայացուցիչների հետ հանդիպումից հետո, հայտարարել է էկոնոմիկայի և կայուն զարգացման նախարար Նաթիա Թուրնավան:

Ըստ նրա, բիզնեսի համար պարզ է, որ սահմանափակումները մեղմելու թափանցիկ չափանիշներից մեկը, այսպես կոչված է դրականության ցուցանիշն է:

«Հանդիպման հիմնական խնդիրն էր մեկ անգամ ևս ներկայացնել զբոսաշրջության արդյունաբերությանը` ռեստորաններին, ձմեռային հանգստավայրերին, այն տրամաբանությունը, որով համակարգող խորհուրդը որոշումներ է կայացնում բիզնեսի համար սահմանափակումներ սահմանելու և կիրառելու ժամանակացույցի վերաբերյալ: Շատ արժեքավոր է, որ բացի տնտեսական թիմից, այս հանդիպմանը ներկա էին պարոն, Ամիրան Գամղրելիձեն և տիկին Էկատերինե Տիկարաձեն, նրանք նշեցին հատուկ չափանիշներ: Հիմնական չափանիշներից մեկը այսպես կոչված դրականության ցուցանիշն է, որը թափանցիկ է և հասկանալի բիզնեսի ներկայացուցիչների համար:

Մենք խոսեցինք նաև մեղմացման մասին, որն արդեն տեսանելի է Աջարիայում, ինչպես այսպես կոչված Կանաչ շրջանում: Ինչպես գիտեք, այնտեղ փետրվարի 1-ից բացվում են ռեստորանների բաց տարածքները, ինչպես նաև  դպրոցները, շուտով կբացվեն բաց և փակ շուկաները: Սրանք արդեն բավականին համարձակ առաջին քայլերն են:

Չնայած ամբողջ աշխարհում պատվաստումների մակարդակը նվազում է, համավարակը չի հաղթահարվել, և երկրները պարբերաբար հաստատում են սահմանափակումներ: Այնպես որ դեռ երաշխիք չկա: Մենք շատ զգուշավոր քայլեր ենք ձեռնարկում: Ամենակարևորը, բիզնեսին բացատրեցինք տրամաբանությունը: Մենք շատ լավ հասկանում ենք, որ այս տրամաբանությունը հասկանալի է, բայց միգուցե Բակուրիանիում գտնվող առանձին ընտանեկան հյուրանոցի համար շատ բան չի տալիս, քանի որ նրանք իսկապես դժվարության մեջ են, սեզոնը կորած է, և նրանք չեն կարող լիովին հյուրընկալել հյուրերին, բայց պարզ է, որ նրանց փակումը մեր կամքը չէ»,- նշել է նախարարը:

Նրա խոսքով, մեղմացումը կիրականացվի աստիճանաբար, համավարակաբանական իրավիճակի մոնիտորինգին համապատասխան:

Դուք գիտեք, որ մենք ունենք ընդհանուր առմամբ բաց տնտեսություն, մենք չենք սահմանափակել արդյունաբերությունը, սննդամթերքի առևտուրը, գյուղատնտեսությունը, հանքարդյունաբերությունը կամ վերամշակման արդյունաբերությունը, բայց մենք խոսում ենք այն ոլորտների մասին, որոնք, ընդհանուր առմամբ, համարվում են բարձր ռիսկային և մենք դրանք հիմա բացում ենք»,- ասել է Նաթիա Թուրնավան: