Զազա Օքուաշվիլի. Չնայած, Նիկա Գվարամիան և Գիորգի Գաբունիան թալանել են «Մթավարի ալիքը» և արհեստականորեն սնանկացնել այն, ես չեմ մտածել հեռուստաընկերությունը փակելու մասին
Իմ ցանկությունն է, որ «Մթավարի ալիքը» շարունակի անխափան աշխատել լիարժեք կազմով և ղեկավարությամբ, որը չի փորձի անձնական հարստություն կուտակել հեռուստաընկերության հաշվին,- ասված է «Մթավարի ալիքի» հիմնադր Զազա Օքուաշվիլիի հայտարարության մեջ, որը տարածում է «Ինտերպրես նյուս» գործակալությունը։
«Ի պատասխան Գիորգի Գաբունիայի հայտարարության՝ ես հայտարարում եմ, որ ես չեմ կայացրել «Մթավարի ալիքը» փակելու որոշումը, և որ Գիորգի Գաբունիայի հայտարարությունը զրպարտություն է իմ դեմ և Նիկա Գվարամիայի ծրագրի մասը, որպեսզի նրանց գործն ու շահը փաթեթավորվի այնպես, ինչպես Գիորգի Գաբունիան ներկայացրեց։
«Մթավարի ալիքի» հետ կապված խնդրահարույց հարցը, որը Նիկա Գվարամիան և Գիորգի Գաբունիան այսօր այդքան հանկարծակի ներկայացրեցին հանրությանը, չի սպասարկում ալիքի շահերին և նրա դեմ արված քայլ է։ Իմ կողմից՝ որպես գործընկերոջ, ալիքի հետ կապված որևէ միջամտություն կամ որևէ քայլ չի արվել, և այն բողոքները, որոնք եղել են ալիքի ղեկավարության դեմ արդեն մի քանի ամիս, նույնն են։
Ընդամենը մի քանի օր առաջ շփվեցի մի խումբ լրագրողների հետ և ասացի, որ չնայած Նիկա Գվարամիան և Գիորգի Գաբունիան թալանել են «Մթավարի ալիքը» և այն արհեստականորեն սնանկացնել, ես չեմ մտածել հեռուստաընկերությունը փակելու մասին։ Ավելին, ես պատրաստակամություն եմ հայտնել գտնել համապատասխան աջակցություն ալիքին՝ իր կարիքները բավարարելու համար։
«Մթավարի ալիքի» խնդիրն այն է, որ տնօրենները՝ սկզբում Նիկա Գվարամիան, իսկ հետո Գիորգի Գաբունիան, հեռուստաընկերությանը սնանկության են հասցրել։ Նրանց գործունեությունը օրինակ է, թե ինչպես կարելի է աշխատակիցների համբերության և երկրում տիրող իրավիճակի հաշվին թաքնվել լրատվամիջոցների մեջքի հետևում և թալանել հեռուստաընկերությունը, օգտագործել և վերածել հեռուստատեսությունը միջազգային միլիոնավոր դոլարների լվացման մեքենայի։
Ուզում եմ հանրությանը հիշեցնել, որ ես անձամբ Բիձինա Իվանիշվիլիի դեմ մի քանի ընթացիկ միջազգային վեճեր ունեմ, և Գիորգի Գաբունիայի՝ Իվանիշվիլիի հետ իմ կապի վերաբերյալ իմ հասցեին հնչեցրած վատ փաթեթավորված մեղադրանքը զավեշտական է և զուրկ տրամաբանությունից։ Ես, ընդհակառակը, հարցեր կտայի Նիկա Գվարամիայի ֆինանսավորման առատ ու անկաշկանդ աղբյուրների և «գլխավոր ընդդիմադիր կուսակցություն» լինելու խնդրի մասին։
Կարծես թե «Մթավարի ալիքի» նախկին և ներկա տնօրենները հարմար պահ էին փնտրում, և դրա համար, ցավոք, ընտրեցին այն դժվարին շրջանը, որը այսօր ապրում է Վրաստանը։
Իմ ցանկությունն է, որ ալիքը շարունակի սահուն աշխատել լիարժեք կազմով և ղեկավարությամբ, որը չի փորձի անձնական հարստություն կուտակել հեռուստաընկերության հաշվին»,- ասում է Զազա Օքուաշվիլին։
