Ստրասբուրգում, Եվրոպայի խորհրդի նախարարների հանձնաժողովում ընդունված որոշումն աննախադեպ է, քանի որ բռնազավթում տերմինը առաջին անգամ գրանցվել է գործադիր մակարդակում, – այս մասին հայտարարել է Վրաստանի արտաքին գործերի նախարար Դավիթ Զալկալիանին:

«Հիմնական գերակա ուղղությունը Վրաստանի հարցի, մասնավորապես` Ռուսաստան-Վրաստան հակամարտության արդիականացումն է միջազգային հանրության շրջանակներում և միջազգային հանրության աջակցության կենտրոնացումը: Այս առումով մենք ունենք ևս մեկ նշանակալի հաջողություն: Մասնավորապես, Ստրասբուրգում Եվրոպայի խորհրդի նախարարների հանձնաժողովը որոշում է կայացրել Վրաստանի վերաբերյալ: 2014 թվականից ի վեր մենք ամեն տարի որոշում ենք ստանում այս կազմակերպությունից և հատկանշական է, որ այս տարվա որոշումը հատուկ և աննախադեպ է, քանի որ գործադիր մակարդակում առաջին անգամ գրանցվել է այնպիսի կարևոր տերմին, ինչպիսին է բռնազավթումը:

Բացի այդ, այս որոշումը չափազանց կարևոր է ՝ հաշվի առնելով այն փաստը, որ նախարարների հանձնաժողովը նաև ողջունում է Մարդու իրավունքների եվրոպական դատարանի վճիռը՝ «Վրաստանն ընդդեմ Ռուսաստանի» գործով և որոշման մեջ նշվում է, որ 2008 թվականի օգոստոսի պատերազմից հետո, Ռուսաստանի Դաշնությունը որպես արդյունավետ վերահսկողություն իրականացնող պետություն, պատասխանատու է Վրաստանի շրջաններում. Աբխազիայում և Ցխինվալում բռնազավթման ընթացքում մարդու իրավունքների լուրջ խախտումների, մասնավորապես  Վրաստանի քաղաքացիների սպանությունների, խոշտանգումների, վատ վերաբերմունքի, վրացիներին իրենց տներ վերադառնալու խոչընդոտելու համար: Ինչպես տեսնում եք, կան շատ խիստ գնահատականներ, և այդպիսի խիստ գնահատականները հազվադեպ են հանդիպում միջազգային կազմակերպության շրջանակներում: Ես կցանկանայի ևս մեկ անգամ շնորհակալություն հայտնել կազմակերպության բոլոր անդամներին, ովքեր սատարել են այս որոշմանը», – ասել է Զալկալիանին:

Զալկալիանիի խոսքով, նախարարների հանձնաժողովը Ռուսաստանին կոչ է անում իրականացնել Մարդու իրավունքների եվրոպական դատարանի որոշումը:

«Բացի այդ, կոչ է անում Ռուսաստանի Դաշնությանը, որպես արդյունավետ վերահսկողություն իրականացնողին, ապահովել մարդու իրավունքների և հիմնարար ազատությունների պաշտպանությունը Վրաստանի շրջաններում, Աբխազիայում և Ցխինվալիում, ձեռնարկելով կոնկրետ քայլեր, որոնք մանրամասն քննարկվում են որոշման մեջ:

Հարկ է նշել, որ նախարարների հանձնաժողովը առանձնապես մտահոգված է բռնազավթիչ ուժերի կողմից Զազա Գախելաձեի ապօրինի գերեվարմամբ և նրա նկատմամբ ավելի քան 12 տարի պատժի կիրառմամբ: Կոչ է անում անհապաղ ազատ արձակել բոլոր անօրինական ձերբակալվածներին: Առանձնահատուկ մտահոգություն կա նաև Վրաստանի քաղաքացիների սպանության կապակցությամբ անպատժելիության պատճառով և ուղղակիորեն Ռուսաստանին կոչ է անում վերացնել բոլոր խոչընդոտները, Աբխազիայում և Ցխինվալիում էթնիկ վրացիների սպանությունների մեղավորներին պատասխանատվության ենթարկելու համար:

Մեկ այլ տարր, որի մասին խոսվում է այս որոշման մեջ, կոչն է`անմիջապես բացել այսպես կոչված արգելափակված անցակետերը և մարդկանց թույլ տրվի ազատ տեղաշարժվել», – հայտարարել է Զալկալիանին:

Նրա խոսքով, որոշման մեջ ընդգծված է նաև «Օթխոզորիա-Տատունաշվիլիի ցուցակի» կարևորությունը և Վրաստանի կառավարության որոշումը `սահմանափակող միջոցներ կիրառել մարդու իրավունքների լուրջ խախտումների համար պատասխանատուների համար:

«Դա ողջունվում է, ինչպես նաև կլինի լավ հիմք, որ միջազգային հանրության կողմից տեղի ունենա արձագանք այս որոշմանը:

Կա նաև կոչ, որ Ռուսաստանի Դաշնությունը, որպես արդյունավետ վերահսկող ուժի, անհապաղ միջազգային հանրությանը մուտք ապահովել բռնազավթված տարածքներ:

Ինչպես տեսնում եք, գնահատականները շատ խիստ են: Աննախադեպ, կարելի է ասել միջազգային կազմակերպությունների շրջանակներում: Ցանկանում եմ մեկ անգամ ևս շնորհակալություն հայտնել բոլոր այն անդամ երկրներին, ովքեր սատարել են այս որոշումը: Սա մեր դիվանագիտական ​​գործունեության կարևոր հաջողությունն է, բոլոր այդ դիվանագիտական ​​առաքելությունների և հատկապես Ստրասբուրգում մեր առաքելության հաջող աշխատանքի արդյունքը, որը վերջին տարիներին իրականացրել է մեր դիվանագիտական ​​ծառայությունը», – հայտարարել է Դավիթ Զալկալիանին: