Ես նույնպես անհանգստացած եմ, որ պատվաստանյութը ուշանում է, սակայն արդարությունը գոյություն ունի, – այս մասին հայտարարել է Թբիլիսիի ինֆեկցիոն հիվանդանոցի տնօրեն, Թենգիզ Ցերցվաձեն:

Ցերցվաձեի խոսքով, պատվաստումները սկսվել են աշխարհի 103 երկրներում, որոնցից շատերում օգտագործվում են չինական և ռուսական պատվաստանյութերը:

«Խոստացված ժամկետների համեմատ պատվաստանյութի ներմուծման հետաձգվելն 2-3 շաբաթով, առաջացրել է լուրջ զայրույթ և աղմուկ: Այժմ պարզվում է, թե ինչու է դա տեղի ունեցել, ում պատասխանատվությունն է և այլն: Այնպես որ, եկեք հարցը այդպես չբարձրացնենք: Ամբողջ աշխարհում պատվաստանյութերի պակաս կա: Շատ երկրներ, Վրաստանի նման, չունեն պատվաստանյութեր, և խախտվել են առաքման ժամկետները: Ճիշտ չէ ասել, որ բացի Վրաստանից բոլորը սկսել են պատվաստումները: Այս մասին ասում են կողմնակալ, քաղաքականապես շահագռգրված մարդիկ: Ճշմարտությունն այն է, որ աշխարհի 103 երկրներ սկսել են պատվաստումները: Աշխարհում կա ավելի քան 200 երկիր, և ոչ բոլորը, նույնիսկ կեսից ավելին չեն սկսել: Հիմնական բանը այն է, որ մեր ընդդիմախոսները չեն ցանկանում ուշադրություն դարձնել, այն փաստին, որ 103 երկրների ճնշող մեծամասնությունը սկսել է պատվաստումները չինական կամ ռուսական պատվաստանյութերով, համեմատաբար փոքր թիվը պատվաստումն իրականացնում է ամերիկա-եվրոպական պատվաստանյութերով:

Ես էլ եմ անհանգստանում, որ պատվաստանյութի ներմուծումն հետաձգվում է, քանի որ այժմ մենք ունենք շատ լավ իրավիճակ կայունացմանը հասնելու համար. Գարուն-ամառվանից հետո մենք ունենք լավագույն համավարակային իրավիճակը և ես ուզում եմ, որ այն հնարավորինս արագ ամրապնդվի համընդհանուր պատվաստումներով, սակայն արդարություն էլ կա: Չի կարելի այդպես խոսել: Ես չեմ նշում ռուսականը, քանի որ ռուսականը ոչ վստահություն է ներշնչում, և քաղաքականապես անընդունելի է: Նույնիսկ եթե լավը լինի, Վրաստանը կմերժի դա: Չինաստանը քաղաքականապես չեզոք է: Մենք վաղուց պատրաստ էինք ներմուծել չինական պատվաստանյութը և հիշու՞մ եք, թե ինչ պատմություն էր բացվել: Ճիշտ նույն հեռուստաընկերությունները, քաղաքական ընդդիմադիր խմբերը, մի շարք բժիշկներ, հիշում եք, թե ինչպես էին նրանք վրդովված: Մարդկանց ուղղակիորեն ասացին, որ Վրաստանը ոչ մի դեպքում թույլ չի տա չինական պատվաստանյութ ներմուծել. Մենք ուզում ենք լավագույն որակի պատվաստանյութեր և այլն: Այո, պարոնայք, երկրի ղեկավարությունը լսել է նրանց և չի ներկայացրել չինական պատվաստանյութը: Մենք սպասում ենք միջազգայնորեն ճանաչված ամերիկա-եվրոպական պատվաստանյութերին:

Երբ մեր հարևանների մեծ մասը և աշխարհի շատ երկրներ սկսեցին պատվաստվել չինական պատվաստանյութով, այժմ հանցագործություն է համարվում այն, որ Ադրբեջանը, Թուրքիան սկսեցին դրանով պատվաստվել, իսկ դուք չէիք կարող այն սկսել: Նման երկակի չափանիշներ չի կարող լինել: Վերցրեք այն դիրքորոշումը, որ Վրաստանը պետք է սպասի լավ որակի պատվաստանյութերի, ապա մենք պետք է սպասենք երկու-երեք շաբաթ ուշացման, կամ չպետք է հրաժարվենք չինական պատվաստանյութերից: Այդ դեպքում մենք հավասար կլինենք այն երկրներին, որոնք սկսել են պատվաստվել չինական պատվաստանյութով», – հայտարարել է Ցերցվաձեն:

Թենգիզ Ցերցվաձեի խոսքով, Վրաստանը պատվաստումների հարցում նույնքան հաջող կլինի, որքան ընդհանուր առմամբ կովիդի կառավարման հարցում: