Կոչ եմ անում բոլորին հաշվի առնել ԵԱՀԿ/ԺՀՄԻԳ-ի սպասվող վերջնական զեկույցը, կոչ եմ անում բոլոր կողմերին ներգրավվել կառուցողական և բաց երկխոսության մեջ՝ վստահությունը վերականգնելու և ժողովրդավարական ինստիտուտներն ամրապնդելու համար,- ասել է Հարավային Կովկասում ԵԱՀԿ Խորհրդարանական վեհաժողովի հատուկ ներկայացուցիչ Լուիս Գրասան:

«Ինչպես նշվում է միջազգային դիտորդական առաքելության նախնական եզրակացություններում, ընտրություններն անցել են խորը բևեռացված միջավայրում, ինչը մենք կարող ենք տեսնել նաև այսօր։ Միևնույն ժամանակ, ես կոչ եմ անում բոլորին ի գիտություն ընդունել ԵԱՀԿ/ԺՀՄԻԳ ակնկալվող վերջնական զեկույցը՝ կոչ անելով բոլոր կողմերին ներգրավվել կառուցողական և բաց երկխոսությանը՝ վերականգնելու վստահությունը և ամրապնդելու ժողովրդավարական ինստիտուտները։

ԵԱՀԿ Խորհրդարանական վեհաժողովը պատրաստ է օգնել դյուրացնել երկխոսությունը և աջակցել որոշումներին, որոնք աջակցում են ժողովրդավարական և սահմանադրական կարգին, օրենքի գերակայությանը և բոլոր վրացիների բարեկեցությանը:

Սա նաև ներառում է, բայց չի սահմանափակվում, ցանկացած ներգրավվածություն՝ ապահովելու ԵԱՀԿ/ԺՀՄԻԳ վերջնական զեկույցում ներկայացված հանձնարարականների արդյունավետ իրականացումը, որը պետք է քննարկվի խորհրդարանում:

Այս կրիտիկական պահին ես կոչ եմ անում բոլոր կողմերին ներգրավվել կառուցողական և բաց երկխոսությանը՝ վերականգնելու վստահությունը և ամրապնդելու ժողովրդավարական ինստիտուտները։ Վրաց ժողովուրդն արժանի է խաղաղ և ժողովրդավարական ապագայի, և մեր վեհաժողովը հավատարիմ է մնում այդ նպատակին հասնելու ջանքերին աջակցելուն:

Անցյալ հուլիսին ընդունված ԵԱՀԿ Խորհրդարանական վեհաժողովի Բուխարեստյան հռչակագրում վեհաժողովը կոչ արեց ԵԱՀԿ-ին և նրա անդամ երկրներին համապարփակ վերանայել անվտանգության ճարտարապետությունը՝ աջակցելու այն պետություններին, որոնք ունեն անվտանգության և պաշտպանության իրավունք Հելսինկյան եզրափակիչ ակտի և ՄԱԿ-ի կանոնադրության համաձայն, բայց չունեն անվտանգության երաշխիքներ ամբողջությամբ կիրարկման համար, ներառյալ հիմնականում Ուկրաինայում, բայց նաև պոտենցիալ «մոխրագույն» գոտու այլ պետություններում, ինչպիսիք են Մոլդովայի Հանրապետությունը, Վրաստանը և Հայաստանը»,- ասվում է ԵԱՀԿ Խորհրդարանական վեհաժողովի հայտարարության մեջ։