Մենք սկզբունքորեն միակարծիք ենք Ռուսաստանի դեմ սկզբունքային մոտեցման հարցում և կարձագանքենք բացասական վարքի և վնասակար գործունեության այն մոդելին, որը Ռուսաստանը օգտագործում է Եվրամիության արևելյան գործընկերների դեմ, – այս մասին ասվում է ԱՄՆ-Եվրամիության գագաթնաժողովում ընդունած համատեղ հայտարարության մեջ, որտեղ Եվրամիության և ԱՄՆ-ի առաջնորդները Ռուսաստանի նկատմամբ արտահայտում են իրենց դիրքորոշումը:

Հայտարարությունը խստորեն դատապարտում է Ռուսաստանի գործողությունները, որոնք խախտում են Ուկրաինայի և Վրաստանի ինքնիշխանությունը, տարածքային ամբողջականությունը և անկախությունը:

«Մենք պատրաստ ենք շարունակել աջակցել Եվրամիության Արևելյան գործընկերների ինքնիշխանությանը, անկախությանը և տարածքային ամբողջականությանը: Մենք նաև աջակցում ենք Ուկրաինայում, Վրաստանում և Մոլդովայի Հանրապետությունում բարեփոխումների ճանապարհին և վճռական ենք աշխատելու Հարավային Կովկասում կայուն խաղաղության համար», – ասված է հայտարարության մեջ:

Եվրամիության և ԱՄՆ-ի առաջնորդների հայտարարությամբ, միասնական քաղաքականության և գործողությունների համակարգման նպատակով, Եվրամիության և Ամերիկայի Միացյալ Նահանգների միջև Ռուսաստանի վերաբերյալ սկսվելու է բարձր մակարդակի երկխոսություն:

Այսօր Բրյուսելում կայացավ ԱՄՆ-Եվրամիության գագաթնաժողովը: Հանդիպմանը Եվրամիության կողմից մասնակցում էին Եվրոպական խորհրդի նախագահ Շառլ Միշելը և Եվրոպական հանձնաժողովի նախագահ Ուրսուլա Ֆոն Դեր Լեյենը: գագաթնաժողովին ամերիկյան կողմը ներկայացնում էր ԱՄՆ-ի նախագահ Ջո Բայդենը:

Տեղեկատվությունը տարածում է Վրաստանի արտաքին գործերի նախարարության մամուլի ծառայությունը: