Վրաստանի պաշտպանության նախարարը հյուրընկալել է Գերմանիայի Դաշնային Հանրապետության դեսպան, Հուբերտ Քնիրշին և ռազմական կցորդ Լարս Ուկերվիցին: Տեղեկատվությունը տարածում է Պաշտպանության նախարարությունը:

Ջուանշեր Բուրճուլաձեն շնորհակալություն հայտնեց գերմանական կողմին գործնական և ֆինանսական աջակցության համար և հույս հայտնեց, որ պաշտպանության ոլորտում երկու երկրների սերտ համագործակցությունը կշարունակվի և կխորանա:

Հանդիպման ընթացքում կարևորվեց Գերմանիայի մեծ ներդրումը՝ ՆԱՏՕ-Վրաստան հիմնական փաթեթի (SNGP) իրականացման գործում, տարբեր նախաձեռնությունների միջոցով, ինչպես նաև Վրաստանում ռազմական բժշկության հնարավորությունների զարգացումը, որպես թարմացված փաթեթի (Refreshed SNGP) ամենակարևոր նախաձեռնություններից մեկը, որը ղեկավարում է Գերմանիան:

Պաշտպանության նախարարությունում կայացած հանդիպմանը կողմերը քննարկել են Վրաստանի պաշտպանական ուժերում ընթացող տրանսֆորմացիայի գործընթացը, վրացական և գերմանական զորքերի համատեղ մասնակցությունը Աֆղանստանում՝ «Հստակ աջակցություն» առաքելության շրջանակներում և տարածաշրջանում անվտանգության միջավայրը: