Վրաստանի պաշտպանական ուժերի արևելյան հրամանատարը աշխատանքային այցով գտնվում էր Աֆղանստանում
Պաշտպանական ուժերի արևելյան հրամանատար, գնդապետ Ռոլանդ Ձնելաձեն, առաջին հետևակային բրիգադի, 13-րդ գումարտակի կողմից «հստակ աջակցություն» առաքելության ընթացքին տեղում ծանոթանալու նպատակով գտնվում էր Աֆղանստանում, Բագրամ ավիաբազայում:
Վրաստանի պաշտպանության նախարարության տեղեկությամբ, գումարտակի հրամանատար, փոխգնդապետ Վլադիմեր Նաթենաձեն հրամանատարի համար անց է կացրել տեղեկատվական բրիֆինգ և մանրամասն տեղեկություններ տրամադրել ստորաբաժանման առօրյա գործունեության, ինչպես նաև անվտանգության ներկայիս միջավայրի մասին:
«Գնդապետ Ռոլանդ Ձնելաձեն զրուցել է նաև «Բագրամ» ավիաբազայի 13-րդ գումարտակի անձնակազմի հետ և շնորհակալություն հայտնել «Հստակ աջակցություն» առաքելությունում իրենց արժանի ծառայության համար: Գնդապետ Ռոլանդ Ձնելաձեն արևելքի հրամանատարի կարգավիճակում Աֆղանստանի Իսլամական Հանրապետությունում գտնվում էր առաջին անգամ: Մինչ արևելքի հրամանատար նշանակվելը, 1-ին հետևակային բրիգադը գտնվում էր նրա անմիջական հրամանատարության տակ: Առաջին հետևակային բրիգադի 13-րդ գումարտակը «Հստակ աջակցություն» առաքելությունը իրականացնելու նպատակով Աֆղանստան է մեկնել հուլիսին և պատասխանատու է «Բագրամ» ավիաբազայի անվտանգության համար»,- ասված է տեղեկության մեջ: