Վրաստանի քաղաքացիները, որոնք չէին կարողանում ժամանել Յանգջոու քաղաքից, արդեն Թբիլիսիում են

17:04, 09.02.2020

Վրաստանի երեք քաղաքացի, որոնք թռիչքների արգելման պատճառով չէին կարողանում դուրս գալ Յանգջոու քաղաքից, վերադարձել են Թբիլիսի: Էկոնոմիկայի և կայուն զարգացման նախարարի հանձնարարությամբ, նրանք Վրաստան են բերվել Վրաստանի օդանավակայանների միության ջանքերով:

Ըստ Վրաստանի օդանավակայանների միության, Լուկա Բուխրաշվիլին, Նինո Վաշալոմիձեն և Անի Տատիշվիլին, Պեկինից Թբիլիսի են ժամանել «Ֆլայ Դուբայի» ինքնաթիռով:

Վրաստանի առաջին ալիքի լրագրողի լրատվությամբ, նրանք ստուգում են անցել Թբիլիսիի միջազգային օդանավակայանում:

Թբիլիսիի «Շոթա Ռուսթավելու» անվան միջազգային օդանավակայանում նրանց դիմավորել է «Վրաստանի օդանավակայանների միության» տնօրեն Թամար Արչուաձեն:

Հիշեցնենք, Վրաստանում կորոնավարակի հնարավոր տարածման կանխարգելման նպատակով, հունվարի 29-ից, Չինաստանից արգելվել են ուղիղ չվերթները:

Հեղինակ - edgar barsegyan

Հասարակական

Չինաստան

Վրաստանի քաղաքացիներ