Վրաստանի երկաթուղիներ. Իմերեթի-Գուրիա հատվածում ուղևորատար գնացքները ներկայումս անխափան աշխատում են, բոլոր համապատասխան երկաթուղային ծառայություններն անցել են աշխատանքային հատուկ ռեժիմի
Իմերեթի-Գուրիայի հատվածում այս պահին ուղևորատար գնացքները շարժվում են անխափան։ Այս մասին տեղեկացնում է Վրաստանի երկաթուղին։
Վրաստանի երկաթուղու տվյալներով՝ խիստ օդերևութաբանական պայմանների պատճառով ուղևորատար գնացքների շարժման գրաֆիկում գրանցվել էին ժամանակավոր խափանումներ, սակայն Վրաստանի երկաթուղու համապատասխան ծառայությունների օպերատիվ արձագանքի արդյունքում այս պահին բոլոր գնացքների շարժման գրաֆիկը վերականգնված է։
«Սինոփտիկոսների կանխատեսմամբ՝ բարդ օդերևութաբանական պայմանները շարունակվում են։ Առկա իրավիճակից ելնելով՝ Վրաստանի երկաթուղու բոլոր համապատասխան ծառայությունները աշխատում են հատուկ ռեժիմով», – նշված է հաղորդագրության մեջ։